102.

[Alena]

“Ma’am, hindi po talaga pwede. Ang bilin po kasi ni Sir Bryle ay huwag kayong payagan o hayaan na lumabas.” Napakamot ang matandang kasambahay sa ulo. “Sigurado na kami ho ang mapapagalitan sa gusto mo.”

Malungkot na bumuntong hininga siya. Gusto lang sana niyang lumabas para mamalengke at mamili ng mga pagkain na gusto ni Aimee. Bibili na rin sana siya ng cotton candy dahil iyon ang request ng anak niya.

“Ma’am Amber, ilista mo na lang ang mga gusto mong ipabili. Wag kang mag alala, ma’am, dahil wala akong kakalimutan maski isa.” Hinanap ng mata nito ang anak niya. “Para ba lahat ‘to kay Aimee, ma’am? Naku, mas lalo kong hindi dapat kalimutan ang lahat ng ‘to.” Apo na ang turing ng matanda kai Aimee, hindi lang ito kundi lahat ng mga tauhan ni Bryle.

Mabait kasi at sweet ang anak niya.

“Salamat ho, manang ha.” May lungkot sa boses na wika niya.

“Ma’am, hindi ko maintindihan kung bakit iyon ang bilin ni Sir. Pero hindi ba napakahigpit naman yata niya? Wala naman masama