79.

Kinuha ni Xerxes ang kulay rosas na nakalagay sa ibabaw ng kanyang mesa. Nakuha niya ito sa ibabaw ng kama nilang mag asawa sa bahay ng nanay ng kanyang asawa. Nakiusap kasi ito na dito muna sila manirahan hangga’t hindi pa sila ikinakasal ulit. Gusto ng asawa niya na sulitin na makasama si Johnson at ang nanay nito bago sila bumalik ng isla.

“Damnit!” Sunod-sunod siyang napamura nang mapagtanto na tama ang hinala niya. Hindi ito rosas na pula, kundi kulay puti na nababalutan lamang ng dugo.

“Mr. X, sigurado ako na nagbabanta ang nagpadala niyan.” Wika ni Lomer. “Pero nakapagtataka dahil rosas ito at sa’yong asawa pa ipinadala… hindi kaya ang target niya ay si Mrs. Helger?”

“That’s imposible.” Nilabas ni Xerxes ang isang maliit na kahon sa drawer at inihagis sa mesa. Nang buksan ito ni Lomer ay halatang nagulat ito nang makita ang putol na daliri sa loob nito. “Nagbigay din sa akin ang taong ‘yan ng death threat… ang hindi ko maintindihan bakit kailangan niyang bigyan ang asawa ko?!” H