83.

Binuksan ni Johnson ang kwarto at naunang pumasok. “Bukod sa kwartong ‘to wala na akong nakitang kahina-hinalang mga bagay sa loob ng mansion. Gano’n din ang sinabi ng mga kasama kong nag inspeksyon.” Imporma ni Johnson kay Xerxes. Ito ang inutos ni Xerxes kay Johnson— Ang mag inspeksyon sa buong mansion at maghanap ng kahina-hinalang bagay nang hindi nalalaman ng lahat ng tauhan nang hindi mabahala ang taong hinahanap nila. Ito ang dahilan kaya inutusan ni Xerxes ang asawa na mag organized ng event para sa lahat ng manggagawa ng mansion.

Kumunot ang noo ni Xerxes nang makita ang mga nagkalat na bulaklak sa paligid ng kwarto. Ito ang kwarto ng dating hardinero sa mansion ng kanyang lolo. Ang sabi ni Butler Cholo ay hindi ito kasama sa pinaalis ng kanyang abuelo. Nagpasya daw itong umalis dahil sa katandaan.

Niluhod ni Xerxes ang isang tuhod para tingnan ang mga bulaklak kung nababalot ba ito ng dugo. Kapareho ito nang pinapadala kay Apol. Puting rosas na nababalot ng dugo.

“Wala ka na