82.

[Apol]

“Gusto kong magpasalamat sa inyong lahat dahil ginawa niyo nang maayos ang trabaho niyo at pinili ninyong manatili rito. Dahil di’yan, bibigyan kayo ng malaking bonus ni Lolo Axel! Yehey!” Aniya na parang bata na tatalon-talon pa. Narito silang lahat ngayon bulwagan ng mansion para lipunin lahat ng tauhan ni Lolo Axel. Ayon kasi sa asawa niya ay nag aalisan na ang mga tauhan ng matanda kaya kinakailangan nilang magsagawa ng ganitong event.

Natuwa ang mga tauhan ni Lolo Axel, maging si Butler Cholo ay napapalakpak. “Mrs. Helger, kasama naman ako sa tataasan ang sahod, diba?” Pabiro nitong tanong.

“Siyempre, ikaw pa!”

Nagkaro’n ng raffle. Ang mapipili ay mag uuwi nang malaking halaga. Gulat na gulat siya nang malaman ang basic salary ng mga tauhan— Tinalo pa ang nag oopisina. Nasa kwarenta pa ang bilang ng mga tauhan sa mansion. Pero dahil sa napakalaki at lawak ng mansion ay nagmistula iyong kakaunti.

“Maraming salamat po, Mrs. Helger!” Maluha-luhang pasasalamat ng isang matan