Chapter 12

“See you later, Savrinna. Sama ka sa mall, ha?”

Kagagaling lang namin sa coffee shop at babalik na kami sa kanya-kanya naming klase. Pero ito na naman sila, niyayaya na naman akong magpunta sa mall mamayang dismissal.

Ngumiti ako. “Okay, titingnan ko if hindi pa ako tawagan ni lola. See you later.”

Nauna na silang maglakad paalis habang ako ay nagtungo na rin sa klase ko. Ibang mga tao naman ang makakasama ko dito kaya kinailangan ko ulit magpakilala sa harap. Pansin ko na mas maingay ang mga estudyante sa klase dito.

Sa bandang dulo ako naupo at nakinig sa pagtuturo ng professor. Nagsusulat din ako ng notes para pwede kong i-review pag-uwi ko sa bahay. Dalawang oras ang subject ko dito kaya naman naiihi na ako pagkatapos. Ang lamig kasi masyado dito sa room.

As soon as the professor went out, I grabbed my bag and left the room too. Dumiretso ako sa banyo at mabuti na lang ay bakante ang mga cubicle.

Habang nasa loob ay may narinig akong mga estudyanteng pumasok. Malakas ang boses ni