Chapter 13

Saglit akong natigilan sa ginawa niya. Nang matauhan ay tumingin ako sa paligid at mabuti na lang ay walang nakakita. Kinurot ko ang braso niya kaya hinuli niya ang kamay ko.

“Ang kulit mo. Paano kung may nakakita sa ginawa mo? Tapos kakilala mo pa, edi lagot tayong dalawa,” sabi ko.

Ngumisi siya lalo. “That’s my way of making you quiet. Pipili ka na ba o uulitin ko ang ginawa ko?”

Inirapan ko siya bago ako naghanap ng pwede kong ipabili sa kanya. Nagtungo ako sa lipstick aisle kung nasaan kami kanina nila Bea. Pumili ako ng shade na wala pa ako pero hindi ako makapili kung anong brand ang pipiliin ko.

Humarap ako kay Markus at ipinakita sa kanya ang dalawang lipstick.

“Choose one. Hindi ako makapili e,” sabi ko.

Pinagmasdan niya ang dalawang lipstick na para bang isang matinding desisyon ang gagawin niya.

“This one,” he said while pointing to the more expensive lipstick.

“Ito? Bakit? Bagay ba sa ‘kin ang shade?” tanong ko.

“It’s kiss-proof. I don't want to ruin your lipstick wheneve