Chapter 1: Kiss

Kahit labag sa loob ko, natuloy kami sa isang mamahaling bar. Nagsimulang maghanap ng mga lalaki ang mga kaibigan ko habang wala akong ibang ginawa kundi ubusin ang drinks na inorder namin. Medyo may tama na rin ako at tipsy na pero patuloy pa rin sa pagsa-sight seeing ng mga gwapong lalaki sa bar ang mga kaibigan ko. Napansin pa nila ang gwapong waiter na kanina pa raw nilalapitan ng mga underage girls na nakapasok sa bar.

"Sis, how about that guy? Mukhang mayaman, kayang sabayan ang lifestyle mo." Suhestiyon ni Kurt habang tinuturo ang matangkad at mestizong lalaking nakikipagbiruan sa mga kaibigan.

"Mukhang one-woman man. Ekis tayo riyan." Kumento ni Amy. "How about that one? Ang borta, kaya kang i-choke." Suhestiyon pa ni Amy habang inginunguso ang moreno at matangkad na lalaki. Para pa siyang mahihimatay dahil wari'y pinapaypayan niya ang kanyang sarili.

"Ay pak na pak iyan! Lapitan mo na, beks!" Sabi ni Kurt na tila excited sa susunod na mangyayari. Pinagtulakan nila ako kaya napilitan akong tumayo. Inilingan ko ang mga kaibigan ko bilang pag-ayaw ngunit tumayo rin sila at hinila ako palapit sa lalaki na ngayon ay nasa dancefloor na.

Nagkunwaring sumasayaw ang mga kaibigan ko malapit sa lalaki habang nakahinto lamang ako roon at hindi malaman ang gagawin. Maya-maya pa ay pasimple akong itinulak ng dalawa dahilan para mabunggo ako sa dibdib ng lalaki. Nasalo ako nito at nang magkatinginan kami ay napangiti ito. Hilaw naman akong ngumiti pabalik.

"Are you okay, Miss?" Tanong nito sa malalim na boses at British accent. Umayos ako sa pagkakatayo pagkatapos ay nag-angat ng tingin sa kanya.

"Yeah, I'm fine. I just slipped..." Hindi ko na natapos ang paliwanag ko nang pasimple ulit akong bungguin ni Kurt dahilan para bumagsak ulit ako sa dibdib ng lalaki. Narinig ko ang paghalakhak ng lalaki kaya napa-ayos agad ako ng tayo.

"S-sorry." Tipid at medyo nahihiya kong sabi.

"It's okay. Can I dance with you?" He asked politely. Tumango ako kahit na ang totoo ay gustong-gusto ko nang maupo.

Sumayaw kami roon hanggang sa maramdaman ko ang mga kamay niya sa baywang ko. Iniikot niya ako para mayakap niya ako mula sa likuran. Shit! I don't want this! When I felt him aroused, doon na ako nagpumiglas sa kanya. Pasimple akong lumayo pero nahuli niya ang palapulsuhan ko.

"Where are you going, baby girl?" He asked as if we were playing games. His eyes are full of lust, the same eyes I saw from Jude when he was kissing Catherine.

"I just need to go to the restroom." Palusot ko pero lumapit siya sa'kin pagkatapos ay binulungan ako.

"Can I come with you?" He whispered sexily.

"No, thank you! Just wait for me here and w-we'll...go somewhere else." Palusot ko ulit. He chuckled naughtily. Binitiwan niya rin naman ako pero bahagya niyang pinisil ang pwet ko na ikinagulat ko. Gusto ko siyang sigawan pero pakiramdam ko hindi ito ang tamang panahon para gawin iyon. I'll just make the situation worse. Mukhang lasing na rin siya at baka magkagulo lang pag nagsisigaw ako sa bastos na iyon.

Nagmadali akong nagtungo sa restroom pagkatapos ay naghilamos. Ilang minuto lang akong nakatitig sa repleksyon ko sa salamin habang ang dalawang kamay ay nakalapat sa sink. Kailangan kong kumalma.

Nang mapakalma ko na ang aking sarili ay lumabas na ako sa restroom. Hinalughog ng aking mga mata ang paligid upang tingnan kung nariyan ang lalaking nakasayaw ko kanina. Ayaw ko nang makita niya ako lalo pa at may naipangako ako sa kan'ya na sigurado akong ayoko namang tuparin. Marahan akong humakbang habang ginagawa ang paglinga-linga sa paligid hanggang sa mabangga ako nang kung sino at maramdaman ko ang pagtapon ng kung anong inumin sa maiksi kong dress. Nalaglag ang panga ko sa gulat at mabilis na hinanap ang nakabangga sa'kin.

Nagtama ang paningin namin ng matangkad at makisig na lalaki. Naka-uniporme ito ng pang-waiter at kunot ang kanyang noo habang dala ang tray na puno ng flute na natumba. Marahil, ito ang waiter na kanina pa pinag-uusapan nina Kurt at Amy.

"Miss, hindi ka ba sanay tumingin sa dinadaanan mo?" Medyo iritado nitong tanong. Nagtaas ako ng kilay sa kan'ya.

"Is that how you treat your customers?" Ganti ko sa iritado niyang tanong. Kung naiinis siya, mas naiinis dapat ako!

"Kita mo 'to. Siya na nga ang nakabangga, siya pa 'tong masungit." Bulong nito na akala mo'y hindi ko narinig.

"So, it's my fault? You just ruined my dress." Hamon ko sa kan'ya.

"Dress lang iyan! Walong libo na nga lang ang sahod ko, makakaltasan pa ng limang libo dahil sa'yo, miss." He blurted. Napakurap-kurap ako sa pagpatol niya kaya humalukipkip ako.

"Anong dress lang iyan? This dress cost me 80,000. How will you fix this?" I rebutted. Napakamot siya ng ulo na tila ubos na ubos na ang pasensya niya.

"Ikaw ang hindi tumitingin sa daanan, miss. Kaya ikaw ang may kasalanan! Ikaw ang mag-fix niyan!" Sabi nito na rinig na rinig ko kahit napakalakas ng musika sa paligid.

Papatulan ko pa sana siya nang makita kong paparating na ang lalaking tinatakbuhan ko kanina. Nagtama ang paningin namin kaya napangiti ito at nag-panic naman ako. Shit! Ayokong sumama sa kan'ya!

"Mister waiter, I'll just pay you para wala nang...angal." I said, distracted. My eyes were directly looking at the guy who was making his way in our direction.

"With tip?" Nagtaas ng kilay ang waiter at bahagyang yumuko para ilapit sa'kin ang mukha. Naagaw niya ang atensyon ko kaya napabaling ako sa kanya. His eyes were hopeful from my promised payment samantalang papalapit na rin nang papalapit ang morenong lalaki na may British accent. I don't want to deal with him anymore and I can only think of one thing to shoo him away.

I immediately grabbed the waiter's collar and kissed him gently. Ramdam ko ang gulat ng waiter sa ginawa ko. He froze mid-air while I continued kissing him softly. Gumanti siya sa mga halik. Siguro ay gets niya na rin kung bakit ko ginawa iyon. This is 300% embarrassing but I don't want to lose my womanhood to that jerk.