Chapter 71:

Thrizel's POV

Tahimik lang akong nakatingin habang inaasikaso ni Thrale ang pinsan namin. Hagip naman ng aking mata ang pagtitig sa akin ni Gio, may dumi na naman ba ang mukha ko? Tiningnan ko siya baka sakaling alisin niya ang tingin sa akin pero hindi niya pa rin inaalis kaya nagtaka na ako. Hindi ako nagpatalo, nakipagtitigan ako sa kaniya. Naputol ang pagtitigan namin noong tawagin siya ni Thrale. Tiningnan niya ito saglit at muling bumaling sa akin para ngumiti.

Napabulong na lamang ako sa kaniyang inakto. Baliw.

Tiningnan ko si ate Anissa na hanggang ngayon ay hindi pa rin pinapansin ni Thrale. Napabuntong hininga na lamang ako at umakyat na sa aking kwarto. Gusto kong makausap ang pinsan namin pero mamaya na lang siguro kapag wala na si Thrale sa tabi niya. Ayokong makaharap o makadikit man lang siya.

Paakyat na ako, nagkasalubong kami ni Gio at iyan na naman ang mapanuri niyang tingin. Tiningnan ko lamang siya ng saglit at pumunta na sa aking kwarto. Nahagip ng mga mata ko si