Kabanata 143

Mabilis lumipas ang araw. Dapit hapon na ngunit hindi pa rin bumabalik si Calex simula ng galit itong lumabas ng kwarto kanina.

Si Krissy na nga rin ang tumapos sa pag-aayos ng mga gamit na basta na lamang iniwan ng lalaki. Na kahit sumasakit pa rin ang puso ni Krissy sa mga binitawang salita ni Calex kanina ay naayos niya pa rin ng mabuti ang ginagawa niya.

Nagpasalamat din siya dahil may staff na naghatid sa kanya ng pagkain kanina para sa kanyang lunch.

Nang matapos sa ginagawa ay naisipan ni Krissy na lumabas na muna at tumambay sa dalampasigan kung saan malaya niyang mapagmasdan ang payapa at kulay asul na karagatan habang nakaupo sa isang malaking bato at naghihintay na mapanood ang paglubog ng araw. Pampagaan manlang sa bigat ng saloobin niya.

Nag-iisip din siya kung paano niya e-aapproach si Calex dahil bumalik na naman ang pagiging rude na pakikitungo ng lalaki sa kanya. Buong akala niya kasi ay pakikitunguhan na siya nito ng maayos pagkatapos siya nitong maalagaan noong nag