Kabanata 151

Magdamag na hindi bumalik si Calex sa kanilang kwarto kaya't magdamag ding dilat ang mga mata ni Krissy sa paghihintay. Gustuhin man niyang puntahan ang lalaki ay hindi niya naman pwedeng gawin dahil una sa lahat, galit na galit si Calex sa kanya kagabi kaya't malamang hindi talaga siya nito masisikmurang makasama.

Magang-maga na rin ang mga mata ni Krissy sa kakaiyak. Marahan niyang hinaplos ang kanyang tiyan, ramdam niyang naaapektuhan na rin ang kanyang anak sa loob dahil sa stress na nararamdaman niya.

"Sorry baby kung napakamartir ni mommy ha. I really need to do this para sayo. Mahal na mahal ko lang ang daddy mo kaya kailangan muna nating magtiis okay. Kapit ka lang diyan anak. Mahal na mahal din kita." Emosyonal niyang kinakausap ang kanyang sinapupunan kasabay ng muling pag-agos ng kanyang mga luha.

Hanggang sa pag-iyak nalang kasi naiibsan ang nararamdaman niya lalo pa't wala siyang mapagsabihan. Ni hindi niya naman pwedeng ekwento ito sa madaldal niyang pinsan na si Brenda