Kabanata 155

Lumipas ang mga araw at linggo na wala na ulit naging problema at hidwaan sina Krissy at Calex.

At wala ng mas sasaya pa sa nararamdaman ngayon ni Krissy lalo pa't ramdam niya na ang unti-unting pagtanggap ni Calex sa kanya at sa kanilang baby sa kanyang sinapupunan.

Hindi siya makapaniwalang unti-unti ng natutupad ang isa sa kanyang mga kahilingan. Kulang nalang talaga ay ang opisyal na isasapubliko ng lalaki ang kanilang relasyon bilang mag-asawa. Hinihintay niya lang kasi ang hudyat ni Calex pagkat sa kanilang dalawa, ito ang nagdedesisyon. At sana mangyari na iyon, bago tuluyang lumubo ang kanyang tiyan.

Dapit hapon na at kasalukuyang nagmumuni-muni si Krissy sa labas ng kanyang kwarto nang makatanggap siya ng tawag.

Nakaramdam siya ng kaba nang magpop-up sa screen ang pangalan ng katiwala ng orphanage. Ang bilin niya kasi sa ginang ay tawagan siya kung may problema sa orphanage kaya niya ito binigyan ng kanyang contact number.

Huminga muna ng malalim si Krissy bago sinagot ang t