Kabanata 162

"Takot na takot ako Calex kaya hindi mo ako masisisi. Sinira niya tayo. Ang sabi niya sa akin noon ay gusto niyang maghiganti sayo. Na kung hindi siya sasaya ay hindi ka rin niya hahayaang sumaya. Yung babaeng yun ang humadlang sa pagmamahalan natin Calex. Kaya sana may magawa ka para ipaghiganti ang nabigo nating relasyon. Ipaghiganti mo ako at ang pamilya kong tinakot niya! Walang kasing sama ang babaeng yun!"

Mahabang salaysay ng lumuluhang si Venice habang nakahaplos sa blangkong ekpresyon ng mukha ni Calex. Ramdam ni Calex kung anong pinagdaanang hirap ni Venice noong mga panahong iyon. Si Venice na kilala niyang napakabuting babae ay nagawang pagbantaan ni Krissy para lang maisakatuparan ang masamang balak nito!

Parang tinutusok ng ilang libong karayom ang dibdib ni Calex. Buong buhay niya ngayon lamang siya nasaktan ng ganito. Sakit na hindi niya maipaliwanag. He felt betrayed at sa babae pang sinisimulan niya ng mahalin at pagkatiwalaan. Sa babaebg akala niya ay tuluyan ng na