Kabanata 169

Kanina pa nasa harapan ng monitor ng kanyang laptop si Calex ngunit wala siyang ibang nagawa kundi ang tumitig lang sa screen. Hindi siya makapagfocus at lumilipad ang kanyang isipan.

Alam niyang sa mga oras na ito ay nakaalis na si Krissy gaya ng nais niyang mangyari kahit taliwas iyon sa totoong nararamdaman ng kanyang puso.

Pero kung hindi niya naman ipagtatabuyan ang babae ay siya ang mas mahihirapang pigilan pa ang bugso ng kanyang damdamin. Hindi maikakaila ng puso niya ang namumuong pagmamahal para kay Krissy. Ngunit hindi naman pwedeng palampasin na lamang niya ang nakakasuklam na ginawa nito sa relasyon nila ni Venice.

Kaya pipilitin na lamang kalimutan ni Calex ang lahat ng pinagsamahan nila ni Krissy. Lalo na ang masasayang ala-ala nung mga panahong maayos na sana sila.

Napakalayo na sana ng nilipad ng utak ni Calex sa pag-iisip nang makarinig siya ng doorbell sa kanyang kwarto.

Dala na rin ng pagkabigla ay napabalikwas siya ng tayo at binuksan ang pintuan.

Bumungad sa ka