Kabanata 172

"Ma'am pasensiya na po talaga kayo pero sinusunod ko lamang po ang bilin ni Sir Calex. Ipinagbawal po kasi niya na makapasok kayo ulit dito." Paliwanag ng gwardiya ng resort nang akmang papasok na sana sina Krissy at Brenda.

Kakarating lang ng dalawa at eto agad ang bumungad sa kanila.

'Kamalasan nga naman!'

Napaawang si Krissy. Nanginginig na siya sa magkahalong sakit at galit. Talagang ayaw na ayaw na ni Calex na muling aapak pa siya sa lugar na ito! Ipinagtatabuyan sila na animo'y may nakakahawang sakit.

"Kuya bakit naman bawal? Pagabi na oh at malamig na rito sa labas. Napakahaba pa ng binyahe namin. Hindi ka man lang ba naaawa kay Krissy eh buntis nga ito!?" Nanggagalaiti naman na paliwanag ni Brenda. Sobrang badtrip din ang babae.

Napakamot naman ang gwardiya sa kanyang batok. Bakas sa mukha nito ang kalituhan. Naaawa siya sa kalagayan ni Krissy ngunit kailangan niya namang gampanan ng maayos ang kanyang trabaho.

"Ma'am, gustuhin ko mang papasukin kayo pero baka po ako ang mawa