Kabanata 179

Bumalik si Calex ng La Union ngunit hanggang ngayon ay bumabagabag pa rin sa isipan niya ang mga sinabi at payo ng kanyang mommy Liezel. Gusto niya tuloy magsisi kung bakit pa siya umuwi ng Cebu dahil mas lalo lang gumulo ang isip niya ngayon.

Kasalukuyan siya ngayong nag-iimpake ng kanyang mga gamit. Lilipat na naman kasi siya sa La Paraiso- Zambales para sa panibagong project for renovations. Napakaganda at napakaayos na ng La Paraiso- La Union kaya kampante na siyang iwan na ito.

Balak niyang bumiyahe mamayang hapon. Si Venice naman ay nagpaalam na uuwi na muna sa kanila. Nangako naman ang babae na susunod sa kanya sa Zambales kahit na hindi niya naman ito inanyayahan na sumama. At para lang hindi maoffend ang damdamin ng babae ay tumango na lamang siya para sang-ayunan ito.

Mabigat ang naging kilos ng kanyang katawan habang nilalagay paisa-isa ang mga T-shirt niya sa maliit na maleta. Bigla kasing sumagi sa isipan niya ang pinagsaluhan nila ni Krissy na mga masasayang ala-ala rito