Kabanata 182

Matapos maisakatuparan ni Calex ang kanyang planong paghihiganit kay Venice ay agad din niyang tinawagan ang kanyang daddy at ang kanyang kuya Brandon. Ipinaalam niya sa mga ito ang mga nangyari at humiling na ipagpapaliban na muna niya ang renovations na gagawin sa La Paraiso, Zambales dahil mas kailangan niyang unahin ngayong isalba ang relasyon nila ni Krissy.

Isasalba niya ang relasyong siya rin mismo ang sumira dahil lang sa maling paratang at panghuhusga niya!

Naguluhan pa nga ang mga ito kung bakit lagi na lamang pabago-bago ang isipan ni Calex. Dahil noon ay tumawag ito na magpo-propose na siya ng totohanan kay Krissy and marry her for the second time. Tapos biglang, nagfile ito ng annulment dahil sa sinabing kasinungalingan ng ex nitong si Trisha Venice na agad din niyang pinaniwalaan dahil sa kabobohan niya. At ngayon ay makikipag-ayos na naman siya muli kay Krissy!

At para maliwanagan ang dalawa ay pinaliwanag na lamang ni Calex ng maayos ang lahat ng mga nangyari. Lalong l