Kabanata 189

Nagising si Krissy ng madaling araw. At dahil nahirapan na siyang makatulog pa ulit ay napagdesisyunan niya nalang na puntahan si baby CK sa NICU.

Marahan siyang bumangon. Rinig pa niya ang malakas na hilik ni Brenda na nakahiga sa couch. Hilik na para bang pagod na pagod ito buong araw. Sabagay, ito lang din kasi ang madali niyang nauutusan sa lahat. Kaya dahan-dahan ang kanyang kilos para hindi maistorbo ang tulog nito. Hanggang sa tuluyan siyang makalabas ng kwarto.

Gayun na lamang ang pagkabog ng puso ni Krissy nang makita si Calex na natutulog sa bench sa labas. Pinagkasya lang ng lalaki ang sarili nito na bahagya pang nakabaluktot para lang makatulog. Nakaramdam siya ng awa para sa lalaki dahil tiyak hirap na hirap itong makaposisyon dahil sa katangkaran nito. Talagang tinotoo nito ang sinabi na 24/7 ito magbabantay sa kanilang anak.

Pumintig ng malakas ang dibdib ni Krissy habang di niya magawang ialis ang kanyang mga mata sa napakagwapong mukha nito. He looks so perfect kahit