Kabanata 188

Mabilis lumipas ang buong araw, at sa tulong ni daddy Henry na siyang nakiusap kay Mrs. Robinson ay pinatuloy rin ng ginang si Calex sa kanyang luxury apartment, iisang building lang sa kwartong tinutuluyan nina Krissy at Brenda.

Tinawagan lang din ni Mrs. Robinson ang caretaker nito dahil nasa opisina pa ang ginang. Matapos maibigay kay Calex ang susi ng apartment ay agaran ding umalis ang caretaker.

Laglag ang balikat na nilagay ni Calex sa loob ang dala niyang mga gamit. Matamlay ang kanyang katawan gawa ng magkahalong nararamdaman, pagod sa mahabang biyahe at sakit na nararamdaman ng kanyang puso.

Gustuhin man niyang magpahinga ng matagal o di kaya'y matulog sa malambot na kama ngayon ay hindi niya magawa dahil gusto niyang doon na sa ospital magpalipas ng gabi. Wala siyang pakialam kung sa sahig o sa labas siya matulog basta masamahan niya lang si Krissy. Ganoon siya kadesididong mag-effort para sa kanyang asawa.

Agad niya ring inayos ang kanyang mga gamit. Nagpahinga muna siya s