Kabanata 104

Pagkatapos magpakawala ni Krissy ng isang malakas na sampal ay walang sabi-sabing sinarado niya kaagad ang pintuan ng kanyang kwarto. Wala siyang pakialam kung ano pa ang naging reaksyon ni Calex o kung nababastusan ito sa ginawa niya.

Nag-aalburuto na kasi ang kanyang damdamin sa magkahalong emosyon na galit at sakit kaya't hindi na siya nakapagtimpi pa.

Galit siya kay Calex dahil sa pang-aakusa nito na para bang kay baba niya bilang isang babae. She's rich and classy yet hinuhusgahan siya nitong kaladkarin.

Nasasaktan din siya dahil kapag kaharap niya ang lalaki ay hindi manlang niya magawang ipagtanggol ang kanyang sarili. Bagay na madali niyang nagagawa sa ibang tao ngunit hindi sa mapanghusgang si Calex.

Pumatak ang maliit na butil sa kanyang mga mata habang sapo ng kanyang dalawang kamay ang maliit na umbok sa kanyang sinapupunan. She started to get emotional kapag naiisip niya ang magiging anak niya. Kung paano maaapektuhan ang bata dahil sa masamang pakikitungo ng ama nito sa