Kabanata 103

"Hoy mayabang na lalaki! Hindi mo na kami kailangang pagsabihan dahil balak naman talaga naming umalis bukas." Sigaw ni Brenda sa papalayong si Calex. Sumunod kasi siya kay Krissy kaya't narinig niya ang huling sinabi ng lalaki.

Ngunit patuloy lang si Calex sa paghakbang palayo na parang deadma lang sa kanya ang sinabi ni Brenda kahit na halatang narinig niya naman ito.

"Tama na couz. Baka gawan na naman tayo ng issue na nanggugulo tayo." Awat ni Krissy sa nanggagalaiti niyang pinsan.

"Napakayabang! Aba namumuro na yang Calex na yan hah! Ang kapal ng mukhang ipagtabuyan tayo dito sa resort niya eh nagbabayad naman tayo, VIP rooms pa." Pagmamaktol ni Brenda.

Hindi pa rin kumikibo si Krissy. Tagos sa puso kasi yung sakit ng salitang binitawan sa kanya ni Calex. Pinapaalis sila sa resort na para bang mga kriminal na may masamang gagawin anumang oras.

"Bakit ba kasi nagpapatalo ka sa lalaking yun? Gosh! Ibang-iba kana talaga sa Krissy na kilala kong palaban couz." Anas ni Brenda habang na