Kabanata 14.5

Kabanata 14.5

Lilingon na sana si Arya nang biglang tumawag sa kaniyang cell phone si Aiven. Sinagot niya iyon at saka nagpatuloy sa paglalakad.

Pumalakpak si Divina sa sobrang tuwa dahil nagkamali ang kaniyang kutob na isa nga talagang Armani si Arya. “HA! Sinasabi ko na nga ba. Hindi siya totoong Armani. Makaalis na nga at makabisita kay Senyorita Mariz.” Dali-dali siyang nagtatakbo patungo sa kinaroroonan ng kanilang sasakyan nang sunod-sunod na bumusina si Denver.

“Babe, sigurado ka bang palalayain mo na si Damon? Akala ko ba isang buwa—” Napakamot sa kaniyang ulo si Jett nang sumenyas si Arya. Humingi ito ng kaunting minuto para kausapin muna si Aiven.

“Anong balita? Namataan niyo na ba si Dr. Santos?” kunot-noong tanong ni Arya habang binabaybay ang daan patungo sa presinto.

[“Negative pa. Oo nga pala, ate, nagawa ko na ang ipinapagawa mo kanina. Ipinarinig ko na sa mga Walton na isa kang Armani.”]

Ngumiti si Arya. “I almost forgot. Kaya naman pala tinawag ako bigla ni Divina sa