Kabanata 13.11

Kabanata 13.11

“Senyorita Armani, ipinapatawag po kayo ni Don Fridman.”

Iniikot ni Mariz ang kaniyang upuan at hinarap ang kaniyang secretary. “Sinabi ba ni lolo kung bakit?”

Umiling ang secretary.

“Wala ka bang dila?” iritang tanong ni Mariz.

“Mayro’n po. Pasensya na po, senyorita.” Yumuko ang secretary sa harap ni Mariz.

“Sa susunod, kapag tinatanong ka, magsalita ka ha! Sige na. Lumayas ka na sa harap ko at ipagtimpla mo ako ng kape. Bilisan mo!” Nilaro ni Mariz ang kaniyang buhok at itinaas ang kaniyang paa sa mesa. Pinagmasdan niya ang buong opisina ni Arya. “All of these fancy things will be mine in no time. Sige lang, Arya. Enjoyin mong mabuti ang pagpapanggap mo bilang isang maralita at eenjoyin ko rin naman ang pag-angkin ng pagkatao mo.”

Tumayo si Mariz at naglakad patungo sa harap ng kaniyang mesa. Dinampot niya ang silver desk name plate niya. Bumalik siya sa kaniyang upuan. Kinuha niya ang susi ng isang drawer sa kaniyang bag at mula roon ay inilabas niya ang gold desk na