Change 40- KWINTAS

Chapter 40

Subrang napagod ako sa ginawang pictorial kanina at matagal kaming natapos dahil dinumog ako nga mga tao sa venue namin dahil natagalan kami mag-umpisa.

Pagpasok namin ni Manong ay agad ko nakita ang isang sasakyan na agad rin umandar at patungo sa gate.

"Siguro bisita nila Mommy!" mahinang sabi ko hanggang huminto ang kotse kaya agad kong lumabas at nagpapasalamat sa pagdrive. Hanggang pumasok ako sa loob ng mansyon ay katahimikan ang bumungad sa akin.

"Siguro ay tulog na silang tatlo kaya wala sila sa sala," tanging sabi ko na lang sa aking sarili. Hanggang napag desisyunan ko na lang na umakyat sa aking silid upang makapagpahinga na.

'Bukas ay araw ng Sabado kaya may free time akong ipasyal ang aking anak,' sabi ko sa aking isipan habang naglalakad patungo sa aking silid.

Pagpasok ko ay agad kung binuksan ang aircon saka nilapag ko ang dala kung handbag sa sofa. Pagkatapos ay agad akong pumunta sa closet upang kumuha nang pangpalit na damit. Pagkatapos kun