CHAPTER 111: No Matter How Much

KANINA PA ANG pagpaparoo’t parito ni Liberty sa loob ng kanyang kwarto. Malaya niyang nagagawa ang mga ganito dahil magkalayo sila ng silid ni Duncan katulad na rin ng gusto niya. Heto na naman ang pagdadalawang-isip niya na gawin ang nais. Hindi niya maintindihan ang sarili. Pagdating kay King, tila ba hirap na hirap siya gumawa ng desisyon. Napakadali lang naman ng kailangan niyang gawin. Tatawagan lang ang binata at magpapasalamat siya rito ngunit inabot na siya ng ilang minuto ay hindi niya pa rin iyon magawa.

Sa huli, naging buo na ang pasya niya, nag-dial siya sa binata. Napakapangit kung magpapadala lamang siya ng mensahe rito. Mas pormal sana kung makapagpapasalamat siya sa trabaho ngunit sa susunod na linggo pa ang balik niya sa kumpanya nito. May mga kailangan silang ayusin ni Charles at minamadali na iyon.

Kasabay ng pagpindot niya ng dial, ang siya ring pagkatok ng asawa niya sa kanyang pinto. Dali-dali tuloy ang pagtaob niya ng cellphone na hindi napansin ang pagtuloy pag