CHAPTER 109: Let’s Pretend Again

KAILANMAN HINDI PUMASOK sa isipan ni Liberty na magigising siya isang araw na gumagawa ng makamundong bagay. Wala siyang kahit na anong maalala sa mga nangyari sa kanya nang maggising at makabalik sa wisyo. Ngunit hindi siya maaaring magkamali sa nagawa dahil na rin sa nagkalat niyang damit sa lapag at makita ang sarili na hubo’t hubad nang makatapat siya sa salamin.

Takot ang unang namayani sa kanya nang mga sandaling iyon habang maraming tanong ang pumapasok sa kanyang isipan. Wala sa sariling isa-isa niyang pinulot ang mga damit at isinilid iyon sa isang lalagyan. Sinigurado niyang bago siya makalabas ng kwartong iyon ay presintable ang kanyang damit at hindi siya magmumukhang kawawa sa kahit sinong makakaharap sa labas.

Sa paglabas niya ng kwarto, unti-unting nanunumbalik sa kanyang isipan ang mga pinagdaanan sa kamay ni Diego. Sa isipin pa lamang na lahat ay ginawa niya upang makapanlaban dito ay kinikilabutan na siya.

Hanggang sa gumunita sa isipan niya ang sandali na mag-black