Kabanata 04- Busted

“ Halla!” 

Malakas akong napasigaw dahil nang iaangat ko na ang nilalabhang kumot ay hindi ko akalain na sobrang bigat noon kaya imbes na ang kumot ang umangat ay ako ang nabuhat nito hanggang sa mapasubsob ako sa baldeng nasa harapan ko. 

Naiiyak kong pinahiran ang mukha ko na ngayon ay puno ng mga bumubulang sabon. Sobrang hapdi din ng mga mata ko hanggang sa namalayan ko nalang na may tumatawang lumapit sa akin at hinila ako paalis sa balde bago punasan ng isang t-shirt ang mukha ko. 

Napalabi ako kay Matthew habang tinitignan siyang tumatawa dahil sa kalagayan ko ngayon. Sobrang basa ng buhok ko at ng damit ko buti nalang ay medyo makapal naman ito kaya masyadong nagbakat ang bra ko sa loob.

Naiiyak na ako noong oras na iyon dahil pakiramdam ko ay sobrang napahiya ako sa harap ni Matthew lalo na dahil tuloy tuloy padin siya sa pagtawa na para bang sobrang entertaining ng nangyari sa akin.

Sa sobrang inis ko ay inis ko ding ipinahid sa mukha niyang ang ilang natirang sabon bago nagmartsang bumalik sa loob pero hindi pa man ako nakakalayo ay naramdaman ko na siyang hilahin ako patungo sa isang malapit na kubo. 

“ Ano ba?!” nag-gagalitang sabi ko bago nakapamaywang na humarap sa kanya habang tinitignan siyang nagkakalkal ng kung ano sa sa isang bag.

Isang amused na tingin lang ang iginawad niya sa akin bago nito ibato ang isang itim na t-shirt at isang men’s short. 

Nagulat pa ako kaya muntik na itong mahulog sa lupa buti nalang ay agad ko din itong nasapo. Napakunot ang noo ko dahil parang ang laki ng ibinigay niya pero tatanggi pa ba ako kung sobrang basang-basa na ako ngayon. 

“ Paano ako magbibihis?” 

“ Bihisan kita?” 

Napakurap at napaawang ako dahil sa pilyo niyang banat pero agad ko ding ipinilig ang ulo ko para bumalik sa katinuan. 

“ Joke! May c.r. diyan sa gilid,” bawi niya sa sinabi bago ituro ang sa bandang kanan ng kinalalagyan namin.

Agad ko siyang sinundan ng maglakad siya papunta dito at pagbuksan ako ng pinto. Tinignan ko muna siya na natatawa padin sa kalagayan ko bago ko inagaw ang pagkakahawak niya sa door knob at isara ito ng malakas. 

Napasandal ako sa likod ng pintuan dahil sa sobrang katangahan, baka imbes na ma-impress si Matthew sa akin ay nagmukha na akong tanga sa paningin niya na simpleng paglalaba lang ay hindi ko magawa… which is the truth dahil hindi naman talaga kami naglalaba sa bahay. 

“ Are you done?” 

Agad kong binilisan ang pagbibihis ng marinig ko si Matthew na kumakatok mula sa labas. Napangiwi ako sa suot kong damit dahil sobrang laki nito sa akin at kahit t-shirt lang ay umabot na hanggang sa bandang tuhod pero hindi ko din maiwasang singhutin ang amoy nito dahil kahit sa damit ay amoy na amoy ang pabango ni Matthew. 

“ Salamat sa damit,” bungad ko kay Matthew matapos kong lumabas at makita siyang prenteng nakasandal sa gilid. Nagbaba ako ng paningin dahil sa sobrang iling ko sa paraan ng pagtitig niya.

Aaminin ko na hindi ako masyadong komportable kapag ganito ang suot ko lalo na ngayong nasa harap ko siya. 

“ Hmmm,” nakangisi lang na sambit niya bago ako hilahin nanaman paalis sa lugar. Taka ko siyang tinignan ng maalala kung gaano pa kadami ang nakatambak na lalabhan namin. 

“ Iyong mga kumot?” nahihiya kong tanong bago lumingon sa pinaglalabhan namin kanina. Napalingon din tuloy si Matthew doon bago tinuro ang ilang kabataan na kumakaway sa kaniya habang may mga bitbit na basket at hanger. 

“ Itutuloy nalang nila,” simple niyang tugon bago nakangiting kumaway din sa mga iyon. Hindi ko maiwasang kiligin dahil kanina pa niya ako hinihila kaya kanina padin magkahawak ang mga kamay namin. 

Lumampas kami sa pinagdarausan ng event at ngayon ay tinatahak namin ang isang makipot na daan na punong puno ng mga halaman. Gusto ko sanang tanungin si Matthew kung saan kami pupunta pero sobrang nahihiya ako dahil kanina ko pa siya ginugulo dahil sa kapalpakan ko kaya tahimik lang akong sumusunod sa kaniya.

Ngunit ilang hakbang pa’y napahinto din kami sa tapat ng isang malaking puno. 

“ Grabe!” 

Napamangha ako dahil sa sobrang ganda ng pinagdalhan niya sa akin sa oras na iyon.

Sobrang kalmado ng mga naglalakihang dahoon ng puno ng acacia na siyang nagbibigay lilim sa kinalalagyan namin.

Gulat kong inilakad ang mga paa ko palapit dito at hinaplos ang mga nakaukit na pangalan ng iba’t ibang tao. Parang napakatanda na ng punong ito dahil may nakita pa akong nakaukit sa taong 1987. 

“ Do you like it?” nakangiting pagtatanong ni Matthew habang tinitignan akong manghang nakatingin sa puno. Sunod sunod na tango ang iginawad ko sa kaniya bago tumingala at nagkunwaring abutin ang taas ng mga dahon. 

“ Favorite place ko ‘to!” pagkukuwento niya bago naglakad sa likod ng puno kung saan nakatago pala doon ang isang kumot na siyang inilatag niya sa tapat namin. 

“ Sit here,” pag-aaya niya sa akin kaya masaya akong umupo sa inilatag niyang kumot bago tumingala ulit sa taas dahil sobrang namamangha talaga ako sa ganda ng puno. 

Napakatahimik ng lugar, malayo sa ingay ng mga sasakyan at sa ingay ng mga bata sa orphanage. Sa sobrang tagal kong pumupunta dito ay ngayon ko lang nadiskubre ang lugar na ito, kung sabagay ay hindi naman ako masyadong umiikot dahil lagi akong nakabuntot noon kay daddy. 

Napalingon ako kay Matthew ng ayusin nito ang kumot at humiga doon habang ginagawang unan ang kanyang mga braso.

Napatikhim pa ako dahil nakita ko kung paano umangat ng kaunti ang t-shirt na suot niya na naging dahilan upang makita ko ng kaunti ang bandang tiyan niya. 

Kung gaano katahimik ang lugar ay ganoon din naman kaming dalawa. Minsa’y napapatingin ako kay Matthew pero kalaunan ay nanahimik nalang at tumingin nalang din sa paligid. 

Napapikit ako para damhin ang lamig ng haplos ng malamig na hangin sa aking balat. Ang mahaba kong buhok ay tinatangay ng hangin kahit na nakahigh ponytail na ako kaya nagsikap akong hawakan ito sa isa kong gilid. 

Gulat akong napatingin kay Matthew ng makalipas ang mahabang minuto ay may narinig akong naghihilik at hindi nga ako nagkamali dahil nakita ko siyang payapang nakatulog.

Sobrang perpekto ng kaunting sikat ng araw na tumatama sa bandang pisngi niya na naging dahilan kung bakit mas lalong magningning ang makinis niyang mukha.

Kahit payapa siyang natutulog ay hindi padin naalis ang pagkakunot ng noo niya na para bang madami padin siyang iniisip kahit tulog pero kahit ganoon ay hindi maikakaila na napakagwapo niyang tignan ngayong oras na ito. 

Tinignan ko muna ang paligid at sinigurado na tulog nga si Matthew bago ako tahimik na humiga sa tabi niya. Iginilid ko ang aking sarili at itinukod ang isang kamay bago ko isandal dito ang aking ulo.

Sa ganoong posisyon ay nakangiti kong pinagmasdan si Matthew na mahimbing na natutulog. 

Grabe, siguro ay kahit araw-araw ko siyang makikita hindi padin ako magsasawa sa mukha niya. Para bang masyadong nakakahumaling.

Hindi ko na namalayan kung ilang minuto ko siyang tinitigan hanggang sa naramdaman ko nalang na dinadalaw na din ako ng antok kaya inayos ko ang pagkakahiga ko at pagilid na nahiga bago magpatangay sa antok. 

“ Radia!” napapitlag at agad bumango dahil sa sobrang lakas ng sigaw na narinig ko pero agad din akong napasubsob pabalik sa kinahihigaan ng may isang malaking braso na nakapulupot sa baywang ko.

Sinundan ko ng tingin kung kaninong kamay iyon at nagulat ako ng makita si Matthew na mahimbing na natutulog sa tabi ko. 

“ Dios mio marimar!” 

Nanlaki ang mata ko ng marinig ang madaming boses at doon ko lang napagtanto na napapalibutan na pala kami ng ilang madre at sa harap nito ay ang pulang pula na si daddy habang galit na nakatingin sa amin. 

“ What is the meaning of this?!” 

Gusto ko sanang ipaliwanag kung bakit ganoon nila kami nadatnan pero walang lumalabas sa bibig ko dahil sa sobrang gulat.

Tinapik ko si Matthew at doon lamang siya nagising, tulad ko ay gulat din siya sa dami ng tao sa harapan namin. 

“ Dad! It’s not what you think it is!” pagtatanggol ko ng sarili kay daddy pero tila ba sarado ang tainga niya dahil bigla nalang siyang lumapit at hinaklit ako mula sa aking kinalalagyan. 

“ We’ll go home and talk!” galit niyang dagdag bago bigyan ng isang matalim na titig si Matthew na hanggang ngayon ay lito padin sa mga pangyayari. 

“ Anong nangyari Matthew iho!?” 

Habang palayo kami ay nahihiya kong tinignan si Matthew na ngayon ay ginigisa na ng mga madreng nakapalibot sa kanya.

Halata sa mukha niya kung paano siya nahihirapan na sagutin ang mga tanong nila hanggang sa makalayo kami ay inaalala ko siya dahil wala naman siyang kasalanan. 

“ You disgusting brat!” mura pa ni daddy bago ako tuluyang hilahin.