Kabanata 226 Sir, Phone Ko ‘Yan

Mahigpit na nakayukom ang mga kamao ni Chloe, nag-aalab sa galit ang namumula niyang mga mata. Nabalot siya ng galit habang sinasabi, “Oo, hayaan mong magdusa si Benjamin bilang kapalit ng lahat ng ginawa niya!”

Gusto niyang maranasan ni Benjamin ang hirap na pinagdaanan ng nanay niya bago ito pumanaw.

Tiningnan ni Lucas si Wren at nagtanong, “Sir, anong gagawin natin sa kaniya?”

“Pabalikin mo na siya. Baka kailanganin pa natin siya bilang witness.”

*

Mabigat ang puso ni Chloe, pero sa gulat niya, kinansela lahat ni Joseph ng morning meetings niya at sinamahan siya nito buong maghapon. Nakayakap siya sa baywang nito, umiiyak at naghahanap ng kapayapaan sa presensya nito hanggang sa tuluyan na siyang mapagod. Hindi niya namalayan na nakatulog na siya, basa ng luha ang mga pisngi niya.

Nang magising siya, alas dos na nang hapon. Humupa na ang bigat ng nararamdaman niya. “Jojo, pasensya na at naabala ko ang trabaho mo kaninang umaga.”

Pinagdikit ni Joseph ang mga daliri nila, relax