Chapter 42

Narating nila ang isang malawak na pribadong lugar kung saan itinayo ang isang malaking hotel. Lahat ng kabahayan sa tabi ng dagat na naapektuhan ay binigyan ng relokasyon hindi kalayuan doon, kasama ang bahay nilang barong-barong. Hindi naman na sila tumanggi pa dahil maayos ang pabahay, na rowhouse kung tawagin. Doon lang din naman iyon malayo-layo bahagya sa resort. Nagmistula nga iyong hotel dahil sa kaparehong disenyo ng resort.

Hindi niya nakita ang paglipat ng Tiya Alice niya, maging ang mga magulang ni Carl, kaya ganoon na lamang ang tuwang nadarama nilang magkaibigan nang makita ang bagong bahay na ibinigay sa kanila. Malinis ang buong lugar. Wala na ang mga nakakalat na bahay sa gilid ng dalampasigan. Ang nandoon ay ang mga bangka na may iba’t ibang kulay na nagbibigay sigla sa turismo ng kanilang lugar. May mga cottage din na gawa sa kawayan. Napakaganda ng ginagawa ng dating mayor, na mas pinaganda pa ni Skye.

Halos isang taon din ang ginugol para magawa iyon. Ang hotel n