Chapter 44

Pagbaba niya, nagkukwentuhan pa rin ang tiya niya at binata sa salas.

Nilapitan niya si Skye..“Salamat sa mga ginawa mo! Sobra-sobra naman yata ito.” Hindi na siya nangimi pang yakapin ito.

“Na-surprise ka ba? Sinadya kong hindi ipasabi kay tiya iyon para ikaw mismo ang makakita,” malambing na wika nito.

“Hmmm . . . Oo na! Salamat.”

“Pero mukhang si Tiya Alice ang na-surprise nang dumating tayo.” Inalalayan siya nito paupo sa upuan.

“Naku, mga bata kayo! Sige na at magpahinga na kayo. Ikaw, hijo, umuwi ka na muna at magpahinga na rin,” anang Tiya Alice niya na sandali niyang nakalimutan na naroon pala.

Tumango naman si Skye at nagpaalam sa kanila.

“Ihahatid ko lang po siya sa labas,” paalam niya sa kaniyanb tiya.

“Sige at aayusin ko lang itong pinagkapehan sa kusina. Mag-iingat ka, hijo. Salamat ulit.”

Tumango lang ito at nagmano muli sa tiya niya. Nang lumabas sila, tinawagan nito ang mga bodyguard.

“Sa hotel ka ba tutuloy? O sa Yate lang?” tanong niya.

“Sa hotel, babe. Per