Chapter 47

Isang linggo rin ang matuling lumipas, halos nalibot na nila ni Skye ang buong isla. Ni walang nakaaalam na naroon ang binata. Hindi niya alam kung magaling lang talaga itong magtago ng sarili nito, o talagang hindi ito napapansin ng mga tao kapag naka-ordinaryong damit lang ito. Pero mas maganda naman iyon dahil may kalayaan pa rin sila kahit na papaano.

Bukod sa pagpasyal sa kaniya ng binata sa property nito, nag-island hoping din sila kasama ang Tiya Alice niya at si Carl. Nag-picnic pa sila sa gitna ng dagat kasama rin ang mga ito. Kaya naman walang pagsidlan ang kaniyang kasiyahan. Iyon na ang pinamasayang bakasyon para sa kaniya. All in one.

“Tiya Alice, sa weekend po gaganapin ang opening ng resort. Babalik lang ako sa Manila para sunduin ang mga delegates na imbitado. Alam kong may business partners din na dala ang parents ko at inaasahan ko po kayo ni Isabella roon, kasama ka Carl,” paalam ni Skye habang pauwi sila galing island hoping nang araw na iyon.

“Aba, hindi ba alang