Chapter 41

Mapayapa ang paglalakbay habang pauwi ng isla kasama ang pinakamamahal niyang si Skye. Nakangiti siya habang nakatitig sa mukha nito. Napakaamo ng mukha nito at payapang-payapa.

Sa mga sandaling iyon ay hindi niya naiisip ang katayuan nila sa buhay— ang mataas na katungkulan nito sa bayan. Basta ang alam niya ay masaya siya at kasama ito.

Pinagmasdan niya ang mahimbing nitong pagkakatulog. Nakapulupot pa ang mga braso nito sa kaniya na para bang makawawala pa siya.

Nanatili lang siyang nakatitig sa binata nang bigla'y may pumasok sa kaniyang isipan. Pero mabilis din niya iyong pinalis sa isipan. Hinayaan niya na lang itong makapahinga.

Dahan-dahan siyang umalis sa pagkakayakap nito sa kaniya. Hindi ito gumalaw. Halatang malalim na nga ang pagtulog nito.

Nang maalis niya ang braso nito, marahan siyang tumayo. Pero nagulat siya nang biglang hapitin nito ang beywang niya.

“You’re examining my face and body. What are you thinking? Pasado na ba?” May pilyo ngiti sa mga labi nito nang li