Chapter 105

Halos ilang segundo na ang lumipas simula ng dumating si Mr. Harachi sa opisina ni Storm. Nanatiling tahimik ang dalawang lalaki habang kapwa seryoso na nakatitig sa mukha ng isa't-isa. Kanina pa gustong sipaǐn ni Storm palabas ng kanyang kumpanya si Mr. Harachi ngunit hindi niya magawa dahil ama ito ng kanyang asawa. Ilang sandali pa ay kumilos si Mr. Harachi mula sa dala nitong bag ay inilabas niya ang isa pang bag.

Iniabot nito ang bag kay Mr. Lee na kasalukuyang nakatayo sa gilid ni Mr. Harachi. Tahimik naman na tinanggap ito ni Mr. Lee at dinala sa lamesa ni Storm. Sunod na inabot ni Mr. Harachi ang isang envelope kung saan nakapaloob ang mga dokumento ng kanilang ari-arian.

Nanatili lang na tahimik si Storm habang blanko ang ekspresyon ng mukha nito, naghihintay lang sa kung ano ang sasabihin ng kanyang kaharap.

“Mr. Hilton, ibinabalik ko na ang perang nawala sayo, hindi man sapat ang salapi na ‘yan ay nandyan naman ang mga dokumento ng aming lupain. Ngayon din ay kukunin ko