Chapter 113

“Ugggh…” nasasaktan na daǐng ni Mr. Agonzillo ng sapilitan siyang paluhurin ng lalaki sa harap ng nakatalikod na si Storm. Isang matalim na ngiti ang lumitaw mula sa sulok ng bibig ni Storm. Sa kabila ng pagiging kalmante nito ay ibayong kaba pa rin ang nararamdaman ni Mr. Agonzillo. Dahil batid ng lahat na lubhang mapanganib ang pananahimik nito.

“Ano ang kailangan mo sa akin Hilton? Kinuha muna ang isa sa kumpanya ko, pati ang anak kong si Patricia ay hindi mo na ibinalik sa akin! Kaya ano pa ang gusto mo!?” Galit na tanong ni Mr. Agonzillo, ang mukha niya ay kababakasan ng matinding pagkasuklam para sa taong kaharap.

“Mr. Agonzillo, nice to meet you again, I am not expecting na magkikita tayong muli. You know? You got my attention, pinahanga mo ako. Hindi ko sukat akalain na naisahan mo ako ng hindi ko namamalayan.” Mapanganib na pahayag ni Storm, mahinahon man ang paraan ng pananalita nito ngunit ang mga mata niya ay nagliliyab sa galit.

“What are you talking about? Do you thin