chapter: 3

Eloisa POV:

Lumipas ang maghapon na tanging puro higa lang ang ginawa ko. Bumabangon ako upang kumain lang. Tapos balik ako kaagad sa pagkakahiga. Naramdaman ko din na unti unti ng nawawala ang hapdi ng paa ko.

Kinabukasan pagka gising ko agad akong bumangon at kumain. mabuti at may tira pa kaming adobo na niluto ko kahapon ng tanghali. Nakita kung tulog pa si Ana marahil ay tanghali naman ang pasok niya. Pagkatapos kung kumain kaagad akong naligo. Nag suot ako ng kulay black na palda na lagpas tuhod at pinaresan ko ito ng polo blouse na hanggang siko ang manggas at yung doll shoes na sinuot ko kahapon ang pinares ko. Nagpahid ako ng pulang lipstick sa labi ko at Naglagay lang ako ng hair clip sa magkabilaang tenga at nakalugay lang ang basa ko pang buhok.

Nagpasya ako na Hindi ko na gigisingin si Ana. Lumabas ako na Bit-bit ko ang shoulder bag ko at may hawak ako na brown envelope sa kamay ko na naglalaman ng mga requirements ko.

Habang naglalakad ako sa bangketa may nadaanan akong nagtitinda ng tig singkwenta na eye glasses. Bumili ako at pinili ko yung kulay pula na square. Ito ang gusto kung maging itsura ko ang maging simple o dapat na ring tawaging nerd type. para hindi rin ako lapitan ng mga manyakis kung sakaling may mag tangka man. Mas mabuti na yung ganito ang magpaka manang hindi naman siguro importante ang panlabas na itsura sa magiging trabaho ko dahil office staff naman ang papasukan ko.

Nagpalinga linga ako sa paligid at may mga nakita akong nag tataasang gusali. Nagtanong tanong ako sa mga nadadaanan kung guwardiya kung may hiring ba sa kanila at sa kasamaang palad wala na daw bakante sa kanila. May nakapag sabi sa akin na isang guard na sa makati daw ako maghanap dahil mas marami daw akong makikitang pwedeng pasokan doon.

Napag isipan kong sundin ang payo ng guard na yun dahil wala naman masama mukhang mabait naman si manong guard. At isa pa isang sakay lang naman ako ng bus mula alabang papuntang makati. Kaya nakipag sapalaran akong magbyahe papuntang makati. Pagkababa ko palang ng bus. Napanganga ako marami nga pala talagang building dito tiyak na makakahanap na ako ng mapapasukang trabaho dito.

When I looked at the time on my cellphone its 7:45 in the morning. Kaya maaga pa at kahit buong hapon pa akong maghanap ayos lang. Kailangan umuwi ako ngayon na may trabaho. Dali dali akong tumawid ng over pass patungo sa mga naglalakihang building. May isa akong napag tanungan na hiring kaso sa manager palang ng gusali hindi na ako pumasa. Tiningnan lang ako mula ulo hanggang paa at hindi na ininterview pa dahil hindi daw capable ang itsura ko dahil front desk officer daw ang kailangan nila. Dapat daw ay may pleasing personality.

Napailing ako pagkatalikod ko sa manager na yun. Bakit ganun sila ni hindi manlang tiningnan ang resume ko. Hindi ba nila alam na mas importante parin ang utak kaysa sa mukha. Nagpa tuloy ako sa paglalakad. May dalawang security guard akong nakita sa isang entrance ng pinaka malaking building dito sa makati. Nagtanong ako kung hiring sila. At pinalad naman ako na hiring nga sila. Agad nila ako pina fill up ng form at pagka fill up ko ng form na iyon ay agad nila akong pina akyat sa ikatlong palapag ng gusali. Gumamit lamang ako ng hagdan sa pag akyat dahil hindi naman ako marunong gumamit nung elevator na sinasabi nila.

Pagka akyat ko ng ikatlong palapag ay may guard na naka asign sa pinaka unang pinto. Nagtanong ako kung saan ko ibibigay ang form na pina fill up sa akin sa ibaba. Itinuro niya ako doon sa pinaka dulong pinto na kulay abo ang kulay. Napakarami palang doors dito at ibig sabihin marami din silang empleyado dito.

Pag tapat ko sa babasagin na pintuan ay kumatok ako. At may nagsalita na boses babae. "Come in!" pagkapasok ko may isang table sa kaliwang bahagi at may nakaupo na babae marahil ito ang nag salita kanina ng kumatok ako. Binati ko ito. "Good Morning ma'am!" sabay ngumiti ako ng matamis.

Pinalapit niya ako sa kanya at kinuha ang hawak kung papel. At Pinaupo niya ako sa may upoan na nasa harap ng table niya. "So you're applying for a job.. We have only one vacant job here.. Naka leave kase ang taga photo copy namin ng mga files dito dahil sa kumplikado ang pagbubuntis niya.." Pinasadahan niya ng tingin ang resume ko. Muli siyang nagsalita "para sa akin pasado ka wala naman problema at qualified ka naman sa bakanteng trabaho. Ewan ko nalang kay boss kung good mood siya today para ipasa ka niya. Saglit tatawagan ko siya.." may pinindot na intercom ang babae at may kinausap. Pagkatapos niya itong kausapin humarap siya sa akin at sinabing." sige pwede ka na pumasok sa loob. Good luck galingan mo sa interview. " at ngumiti ng bahagya. Ngumiti rin ako sa kanya ng matamis. Tumayo ako at naglakad papunta sa itinuro niyang pinto. Kumatok ako at may nagsalita i heard a baritone voice from inside." yes, come in.." pagkapasok ko ngumiti ulit ako ng matamis At bumati ako dito. "Good Morning Sir!.."

Medyo kinakabahan ako. Umusal ako ng panalangin na sana good mood nga siya at ipasa ako sa interview niya. Pinalapit niya ako at pinaupo sa upoan na nasa harap niya. "So, you're name is---" hindi ko na pinatapos ang sasabihin niya at ako na mismo ang nagpakilala sa sarili ko sa kanya. "ahmmm.. I'm Eloisa Macaraeg sir. 19 years old from the province of Quezon. I'm willing to work for you sir anytime.. I'm hoping for your trust sir. So that you can give me a chance to work here in your good company sir.." sabay ngumiti ako ng abot hanggang tenga ang lapad.

Kinalimutan ko na ang kaba ko dahil hindi ako makakapayag na umuwing luhaan dahil wala parin akong nakuhang trabaho. Seryoso siyang Nakatitig sa aking mukha na para bang kinikilatis niya ang aking pagkatao at pinasadahan niya ng tingin ang aking resume. Nakita ko siyang tumango tango habang nakayuko. Maya maya pa bigla siyang tumingin sa akin at nag salita "okay you're hired now ms. Eloisa Macaraeg! Welcome to my Company! You wait for your contract to be prepared by my secretary outside. So you can leave now and close the door.." ngumiti ako ng pagka tamis tamis dito. Hindi ko na alam ang itsura ko kase parang gusto kong tumalon sa tuwa. Bago ako lumabas ng office ni sir ay maka ilang beses akong tumango ng tumango sa kanya at paulit ulit ko ring sinabi ang salitang pasasalamat.

Pagkalabas ko ay may kausap ang kanyang secretary marahil si sir iyon na nag interview sa akin. Nang

matapos na sa kausap niya ang babae lumingon siya sa akin. "naku miss your so lucky today at ang bilis mong interviewhin ni sir David! Ibig sabihin good mood si sir! Kapag saglit lang ang interview niya ibig sabihin nun good mood siya.. " saad pa niya.

Ngiting ngiti ako sa babae habang pinapakinggan siya sa pagsasalita. tinanong niya ako kung ano-ano ang mga dala kung requirements at iniabot ko sa kanya ang buong brown envelope na dala-dala ko. "sige just wait at tatawagan ko ang HRD na i-prepare ang contract mo for signing. Anyways complete naman na itong requirements mo except sa medicals mo dahil wala ka pang medicals.. To be followed mo nalang kapag nakasahod kana.. Mukhang healthy ka naman.." muli pa niyang sabi.

At pinapunta niya na ako ng Hrd sa second floor upang doon na antayin ang magiging kontrata ko na aking pipirmahan. Pagka punta ko doon muli akong pinaupo ng guard na naka asign Malapit sa may elevator at tatawagan naman daw ako kung pa papasukin na ako sa loob ng hrd office. Tumingin ako sa oras ng aking mamahaling cellphone 11:15am

Maya maya pa may nag radyo sa guard at pinapapasok na daw ako sa loob ng Hrd. Ngiting ngiti ako dahil wala pang alas dose ng tanghali eh may trabaho na ako. Pagkauwi ko ay tatawagan ko kaagad sila nanay at babalitaan ng magandang nangyari sa akin today.

Tapos na akong pumirma ng magiging contract ko sa del Castillo corporation. 2 yrs. Ang nakalagay na magiging contract ko sa kanila. At ayun pa sa aking nabasa kung maganda daw ang trabaho ko sa kanila ay maari pa akong I-extended ng contract or gagawin nila akong permanent employee. Pagkalabas ko ng office napagpasyahan kung kumain na muna ng lunch bago magbyahe pauwi.

Sa aking paglalakad sa kahabaan ng kalye napahanga ako sa mga nag tataasang gusali. Mayaman pala talaga ang siyudad ng makati walang wala ang bayan namin na quezon. Lalo na ang baryo namin madalas walang signal ang mga telepono at bihira lang sa amin ang mayroong mga telebisyon sa kanilang bahay at isa na kami doon. Tanging lumang radyo lang ang aming nagiging libangan. Lalo na kapag makikibalita kami kung mayroong parating na bagyo at kung minsan pa wala rin pati signal.

Pero kahit ganun ang bayan kung sinilangan maipagmamalaki ko parin ito dahil marami namang mga pasyalan dito. May mga lugar na nadedevelop at nagiging tourist spot pa ito. At bukod pa doon napaka presko ng hangin kahit mataas pa ang sikat ng araw ay may kalamigan parin dahil na rin sa tulong ng mga nagtatayugang mga puno at kung iisipin di hamak na mas matatanda pa ang mga ito sa akin.

Hindi gaya dito sa maynila hindi na sariwa ang hangin. At sobrang init pa. Patuloy ako sa paglalakad para humanap ng murang makakainan. Sa di kalayuan may nakita akong mga naka kulompon na tao. Lumakad ako palapit sa lugar na yun at nalaman ko na isa pala itong kainan na kung saan pwede kumain sa labas. Pumasok ako sa tindahan at tiningnan ang mga menu nila nalula ako sa presyo ng mga pagkain nila nasa 450 ang pinaka mura at yung iba mayroong tig 650 at mayroong 1000 pataas pa ang presyo. Shocks may mga ganoon palang presyo ng pagkain.

Grabe samantalang sa amin halos wala ng makain ang karamihan dahil sa kawalan ng maayos na pagkakakitaan. Nagpasya akong humanap pa ng ibang makakainan. Patuloy ako sa paglalakad ng may makasalubong akong isang may katabaang lalake na naka suot ng color black cap. Nakatingin siya sa akin habang papalapit kaya hindi ko rin maiwasan na tingnan siya. Napaisip ako dahil familliar sa akin ang mukha niya. Hindi ko lang matandaan kung saan ko siya nakita.

Napagod nalang ako sa kalalakad wala talaga akong makitang murang makakainan. Siguro mayayaman talaga ang mga tao dito. Pakiramdam ko isa akong naliligaw na nilalang sa lugar na ito dahil halos lahat ng nakaka salubong ko ay magaganda ang mga kasuotan at halatang mga mamahalin pa. Narinig kung tumunog ang tiyan ko tanda na gutom na talaga ako.

Nagpasya akong tumungo nalang sa sakayan ng istasyon ng bus baka sakaling makahanap ako doon ng mga vendor sa tabi tabi at doon na lamang ako bibili ng maari kung kainin. Kailangan kung tipirin ang natitira kung pera. Mahirap na kung kakapusin ako ng panggastos wala akong kamag anak dito kahit isa. At nakakahiya naman kung manghihiram pa ako kay ana dahil maliit lang din naman ang sinasahod nito.

Nang makarating na ako malapit sa labasan papuntang high way Nakakita na ako ng mga vendor na naka hilera sa tabing daan. Tiningnan ko kung ano ang maari kung kainin at mabuti nalang si manong bukod sa tinda niyang mga kendi at sigarilyo may tinda din siyang mga biscuits at tinapay na may palamang peanut butter. Pinili ko ang tinapay na may peanut butter na palaman at sa katabi ni manong mayroon naman vendor na nagtitinda ng mineral water. Nang makabili na ako may humintong bus malapit sa kinatatayuan ko at sumakay na ako. Sa bus ko na lamang kakainin ang mga ito para mabilis akong makauwi.

Alas tres ng hapon ng makauwi ako sa bahay na inuupahan ko at nagpasya akong magpaload muli ng mayroong pantawag para matawagan ko sila inay at mababalitaan ko sila ng magandang nangyari sa akin ngayon.

Ngunit Nakaka ilang dial na ako wala parin its either cannot be reach or out of coverage area ang sinasabi ng operator. Mamaya nalang ako tatawag kay inay baka sakaling magka signal na sila. Iidlip nalang muna ako para marami akong lakas bukas dahil maaari na daw akong mag simula bukas sa trabaho.

Nagising ako ng alas singko ng hapon. Lumabas ako at bumili sa tindahan ng dalawang kilong bigas at isang de latang meat loaf. Ito na muna ang kakainin ko ngayon dahil bukas pagka galing ko sa trabaho dadaan nalang ako ng palengke para doon maghanap ng maaring lutoin para sa hapunan at umagahan ko kinabukasan.

Kinagabihan Alas sais palang ay kumain na ako ng hapunan at pagkatapos ko kumain ay inihanda ko na ang aking susuotin kinabukasan. Excited na akong pumasok sa trabaho sana swertehin ulit ako sa unang araw ko. Nang matapos kung makapag handa ng mga susuotin at dadalhin ko kinabukasan ay agad na rin akong humiga. Habang nagpapa antok ay sumagi sa isip ko ang lalaking naka sumbrero na naka salubong ko kanina. Very familiar talaga ang mukha niya siguro kung wala lang siyang sumbrero ay baka mas nakilala ko pa siya. Hindi ko na namalayan na nakatulog na pala ako at hindi ko na rin naramdaman ang pag uwi ni ana.

Kinabukasan ay naginising ako sa alarm ng aking cellphone. Alas singko ng umaga na at alas otso lamang ang pasok ko sa trabaho. Kailangan maaga lang akong umalis dahil baka matraffic ako mahirap na at first day ko ngayon sa trabaho. Lumingon ako sa higaan ni Ana upang alamin kung nakauwi siya kagabi. At nakita ko itong natutulog pa at may konting hilik marahil ay napagod ito sa trabaho. Kaagad akong nag timpla ng kape at nag saing ng kanin. Habang hinihintay kong maluto ang sinaing muli kung pinirito sa kawali ang tira kung tatlong hiwa ng meat loaf kagabi.

Nang maluto na ang sinaing kaagad na din akong kumain at ng matapos ay naligo na ako. Sinuot ko lamang ay isang slacks na kulay brown na medyo may kaluwangan at tinernohan ko ito ng blouse na kulay dilaw at tsaka isinuot ang nag iisa kong doll shoes. Mamaya pag daan ko ng palengke ay bibili na rin ako ng pang alternate na sapatos at baka bumigay na itong sapatos na ito sa tagal dahil ginagamit ko pa ito sa school noong ako ay nag-aaral pa.

Nag lagay lang ako ng headband na kulay itim at isinuot ko ang nabili kong eye glass na kulay pula at nagpahid ng manipis na lipstick sa aking labi. Matapos ay umalis na. Habang binabaybay ko ang eskinita palabas ay mayroon akong naka salubong na mga lalaking nagkukwentohan at napansin Kung nakatingin Sila sa akin habang papalapit. Nang kaunti nalang ang distansya namin ay bigla silang nagtawanan at narinig ko pang sabi ng isa " mukhang bago lang tong babae na to pre!" at sumagot naman ang isang lalake " oo nga pre mukhang hindi pa nabibinyagan.." At muli ko silang narinig na nagtawanan. Nakaramdam ako ng takot dahil mga mukha silang adik. Yung alam mong mga tambay at palamunin lang ng mga magulang.

Pagka lagpas ko sa kanila ay napa buga ako ng hangin sa takot na baka may kung anong gawin sila sa aking masama. Pagkarating ko sa labasan ay naghintay ako ng dadaang bus. Napakaraming pasahero pala ng ganitong oras. Maya maya pa ay may dumaan na bus at dali daling sumakay ang mga tao na animong nag tutulakan lahat ay gustong makasakay ng bus. Mabuti nalang at medyo matangkad ako sa taas na 5'5" ay hindi ako kaagad na maitutulak ng sinumang nasa likod ko. Nakasakay ako ng bus ngunit wala ng available na upoan. "Okay na yung nakatayo ng ganito at least Nakasakay na ako.." bulong ko sa aking sarili.

Mabuti nalang at walang traffic kung kaya't maaga akong nakarating sa aking pagtatrabahoan. Sa ganap na alas siyete kinse ay nakaakyat na ako sa hrd at doon ako naghintay ng kung sinumang mag mamando sa akin kung saan at ano ang una kung mga gagawin. Habang naghihintay ako naisipan kong i-dial ang cellphone number ni aling pasing. Naka dalawang dial ako bago ito sumagot.

"good morning po aling pasing!.." kaagad kung bati dito. "si Eloisa po ito.. Kamusta na po kayo diyan? Pakisabi po kay nanay ko na okay lang po ako dito at ngayon po ang unang araw ko sa trabaho.."

"good morning din Eloisa!.. Mabuti naman at nasa mabuti kang kalagayan diyan. Sige papupuntahin  ko nalang mamaya si ella sa nanay mo, pagka dating niya galing sa palengke para ipaalam na tumawag ka.." kaagad na sagot nito.

"marami hong salamat aling pasing.. Paki kumusta niyo na rin ho ako kay ella.." muli kung sabi. "aba'y sige iha walang problema, basta ba't dadalasan mo lang ang pag tawag dito para hindi mag alala sa iyo ang nanay mo.."

"sige ho aling pasing salamat ho ulit.." paalam ko dito at pinindot ko na ang end call button. Maya maya pa ay may nakita na akong mga empleyado na unti unting pumapasok ng hrd office. At may lumapit sa akin na may katabaang babae na mukhang nasa 30's pa lamang ang edad. Binati niya ako at nag tanong "good morning ikaw ba si Eloisa Macaraeg?"

"yes po! Ako nga po ma'am.." sagot ko dito at bahagyang ngumiti. Agad siyang nagpakilala "ako nga pala si divine ang magiging supervisor mo.. Alam mo naman siguro kung ano ang magiging trabaho mo dito..? Halika sumama ka sa akin.." at tumango ako dito na may kasamang ngiti.

Naglakad kami patungong locker room. " dito ang mga locker Eloisa. At dito mo ilalagay ang mga gamit mo ha. Kapag break time ka lang pwede pumunta dito okay.. Kung gusto mong uminom ng tubig ayun may  water dispenser doon pwede ka kumuha ng maiinom doon. Kung may gusto kang itanong lapitan mo lang ako ha. Huwag kang mahihiya"

"okay po noted po ms. Divine.." kaagad na sagot ko. Nagsalita siyang muli "halika sumama ka ulit sa akin ituturo ko na sayo kung nasaan ang xerox machine.. At ang mga papers na kailangan mong gawan ng kopya at i-compile mo sila sa mga folders nila.."  naglalakad kami habang nauuna siya sa akin.