Chapter 11—Kapre

ILANG LINGGO na lang, bakasyon na. At ilang linggo na ang lumipas, hindi pa rin sila nagkaka-ayos ni Maya. Kahit naman pumupunta ito sa pinagtatrabahuhan niya at kita na nitong wala siyang kasama na babae sa counter, hindi pa rin ito nagkukusa na lumapit sa kanya para mag-sorry man lang.

“Mga babae nga naman…” inis na bulong niya.

“Ano iyon, Miguel?”

“Ah, Sir, wala po.”

“Narinig ko eh. Problemado ka ba sa girlfriend mo?”

Nahihiyang yumuko siya. Hindi siya sanay mag-open, kahit sa mga kaibigan niya.

“Alam mo, kapag may away kayo ng girlfriend mo, hindi mo dapat pinapatagal. Kung pwedeng ayusin, pag-usapan, o pansamantalang kalimutan—basta bago kayo matulog, alam niyo sa sarili niyo na ayos kayo. Pansamantalang peace of mind, mas mabuti na iyon kaysa mag-overthink kayo pareho, ‘di ba? Lalo ka na. Working student ka, tapos next year, kung hindi ako nagkakamali ay taining m