Chapter 19—Honeymoon

ILANG ARAW nang nag-aalala si Miguel kay Maya. Matapos nitong ipaalam sa kanya na tuloy na ang pag-resign nito sa trabaho ay hindi niya na ito ma-contact. Tinanong niya rin ang mga kaibigan nito na sina Yanna at Shaira, pero ang tanging sagot lang ng dalawa ay nag-resign na si Maya at wala na silang balita.

Sakto naman na binigyan sila ng tatlong araw na pahinga habang nakaangkla ang barko na pinagtatrabahuhan nila.

Kahit para sa pagre-relax at magpapakasaya ang tatlong araw na iyon, nagpaalam siya sa mga kasamahan na gusto niya mapag-isa. Sinabi niya naman sa mga ito ang dahilan kaya hindi na siya pinilit na maki-jam.

Pumunta siya sa hotel room na tinutuluyan at sinubukang i-locate si Maya. Last na nakita ang location ng phone nito sa global map ay sa bahay nito ilang araw na ang nakararaan.

Agad niyang tinawagan si Brix at pina-check si Maya. Wala siyang ibang aasahan kung hindi ang mga koneksyon nito pati na ang mga tauhan.

Wala siyang ibang mag