Chapter 25—Not Worth It

PUPUNGAS-PUNGAS na bumangon si Miguel mula sa sofa. Sumasakit ang sentido niya, kumikirot na parang gusto niya na lang iumpog sa corner ng pinto. Nasilaw pa siya sa liwanag mula sa araw na nag-reflect sa sahig. Naniningkit na tinungo niya ang kusina. Napakamot pa siya sa likod at tiyan niya, parang may tumutusok at nangangati siya.

Nang hubarin niya iyon, puno lang naman ng maliliit na tuyong dahon mula sa ligaw na damo.

Dumiretso siya sa lababo at nagmumog ng mouthwash. He was so unmotivated to even take a bath.

Uminom na rin siya ng kape. Pagkatapos ay um-order ng pagkain. Bitbit ang dalawang bote ng alak, bumalik siya sa sala. Nakasalubong niya pa si Brix na pababa ng hagdan. Bagong ligo ito.

“Anong ginagawa mo rito? Kararating mo lang? Sana nagsabi ka na pupunta ka, dinagdagan ko sana iyong take out.”

“Kagabi pa ako—sandali, wala kang naalala?”

“Anong naalala?” inis na tanong niya at naupo na sa