Chapter 28—Mother-In-Law

IT WAS NEVER his intention to hide from Maya’s mother. Alam niyang mali na ilihim sa parents nito ang tungkol sa kanila, pero wala siyang magawa. He chose to give whatever his wife’s requests and demands—at isa na ro’n ang kagustuhan nitong itago ang relasyon nila.

Dala ang basket ng prutas at bote ng wine, and a bouquet of roses on the other hand, he tried his luck to get inside through the front gate.

Nagtaka pa siya nang papalapit pa lamang siya, binubuksan na ng guard ang gate. Tumingin siya sa likod niya, wala namang nakasunod na sasakyan sa kanya.

Nang akma siyang magtatanong kung nasa loob si Maya at ang ina nito, inunahan siyang magsalita ng isa sa mga guard.

“Tuloy na po kayo.”

Hindi niya alam pero bigla na lang siyang binalot ng kaba. ‘Di ba dapat, natutuwa siya? Pero ang pakiramdam niya ngayon sa bawat hakbang niya papalapit sa bahay nina Maya, ay naglalakad siya sa kanyang huling hantungan.