Chapter 33—Beauty and the Beast

Pagdating sa bahay ay inuna niya ang pag-iyak. Mabuti at natutulog ang mga anak niya, hindi nito nakita ang nangyari sa kanya. Hanggang sa nakatulugan niya na ang luha niya. Nagising siya ay dinner time na.

Ipagpapabukas niya na sana ang pag-aayos ng mga pinamili pero paglabas niya ng shower, nagkakalat na sa sahig ang mga laruan.

Kuha na rin nang kuha si Mei-Mei nang gusto nito. Si Miggy naman ay tingin lang nang tingin dahil halos mga pambabae na ang iniwan na laruan ni Mei-Mei para sa kakambal.

Wala sa sariling tumabi siya sa dalawa sa carpet at inayos ang mga laruan. Hindi niya nga rin masyadong mapagtuunan ng pansin dahil lumilipad ang isip niya kay Miguel.

Pagod na ba ito sa kanya? Papalitan na ba siya nito? Nahihirapan na ba ito sa pag-intindi sa kanya?

“Mommy, nag-story po si Tiyo Jerome ng fairytale, ang ganda.” Pukaw ni Mei-Mei sa kanya.

Hawak nito ang isang doll at iniikot-ikot na ang ulo nito.

“Anong fair