Chapter 32—Jack

IT’S BEEN weeks since the engagement was called off. Isang malaking kahihiyan ang dinulot no’n sa dad niya, maging sa second family nito. Naroon na nagsisisihan ang mga ito dahil ang Monteverde pala ang inaasahan nila na mahuhuthutan ng pera.

Hindi niya na inabala pa ang sarili sa problema ng iba, dahil may kinakaharap pa siyang sariling problema—si Miguel.

Ilang linggo na itong walang paramdam. Nahihiya naman siyang tawagan ito dahil na rin ang alam nito ay bukal sa loob niya ang pakikipaghiwalay dito. Nahihiya siya na baka kung anong isipin nito, matapos niyang papirmahin sa divorce paper ay kukulitin niya later.

“Oh god!”

May isa pa pala siyang problema…

Paano niya ipapakilala nang maayos ang mga bata?!

Kaya isang bagay na lang ang magagawa niya, ang hintayin ang September twenty kung kailan ang birthday ng anak ng kaibigan nito.

Sabado ngayon at wala naman siyang client na itu-tutor ngayon.