Chapter 39—6:10A.M, Kapre

 

IPAAYOS MUNA ANG bahay para magmukhang may batang nakatira—iyon ang request ng biyenan na lumiko dahil sinabi niyang liligawan niya ang asawa.

Kaya ngayon, doble ang trabaho niya—ayusin ang bahay at suyuin si Maya.

Dumaan siya sa isang flower shop para bumili ng bulaklak. Ang aga niya ngang kinalampang ang shop dahil na rin kailangan niyang makapunta sa bahay nina Maya bago pa magising ang mga anak. Nakasimangot nga ang may-ari nang i-entertain siya.

Hindi niya lang pinansin ang foul mood nito dahil ayaw niyang masira ang araw. Nang matapos ay pumunta na siya sa bahay ng asawa.

Nang pagbuksan naman siya ng gate, nailang siya sa mga tingin ng kasambahay. Sinipat niya ang sarili, maayos naman ang suot niya.