Chapter 38—Good Night

TANGHALI NANG makauwi sila sa bahay ni Edrina. Patakbo naman na pumunta sa loob ng kambal at nagsimulang magkwento sa lola at ibang mga kasama sa bahay, habang sila ni Maya ay abala sa pagbaba ng mga gamit nila, saka sumunod sa mga anak.

“Lola, ang ganda po sa Ifinjew—“

“Griffinview kasi!” pagtatama ni Miggy sa kambal.

“Basta iyon! Maganda po, tapos po ang bait nina Tito at Tita, ni Raizel, pati na po ng ibang bata. May ate na rin po kami! Si Ate Cornelia!”

“Mukhang nag-enjoy talaga kayo. Ilang araw kayong wala. O siya, kumain na ba kayo?”

“Hindi pa po. Lola, si Raizel, kain nang kain ng chocolates. Binigyan po kami,” patuloy ni Mei-Mei sa kin