Chapter 15—LDR

“I TOLD YOU, Maya. Sa huli, iiwan at iiwan ka rin ng lalaking iyon.”

She just got out of the shower. Nadatnan niya na nakaupo sa kama niya ang mommy niya.

Lumarga na si Miguel. Pinilit niya rin si Miguel na huwag munang harapin ang mga magulang niya gayong aalis ito nang matagal. Ang dahilan niya rito ay ilalayo siya ng mga magulang niya o pepwersahin na makipaghiwalay sa kanya. Kaya pinakiusapan niya si Miguel, ulit, na ilihim ang kasal nila hanggang bumalik ito, kung gusto nitong may uuwian itong Maya sa bahay.

Kaya ngayon, narito ulit siya sa pamamahay ng ina, even though she promised her husband na doon siya sa bahay nila maglalagi. May kasambahay na rin doon na kasa-kasama niya sana.

“Look at you.”

Lumapit ito sa kanya at kinulong ang mukha niya sa mga palad nito. Hindi niya maramdaman ang kahit anong pag-aalala sa hawak nito, bagkus para siyang sinasakal sa higpit noon.

“You should be busy with your studies, pero namamaga ang mata mo dahil sa kaiiyak sa walang kwentang lala