36—Type AB

Mikhael~

Sa susunod na pangyayari, tumatakbo ako sa magulong pasilyo ng hospital. Ginala ang paningin nang makarating sa emergency room. Ilang sandali, nahagip ko si Althea. Hindi ako nagdalawang isip na lumapit sa kanya. Nakatayo siya sa gilid ng pader, tinakasan ng kulay ang mukha, namamaga ang mga mata sa kaiiyak. Nasa tabi niya pa rin iyong kaibigan kanina. Medyo pamilyar sa akin pero hindi ko matandan kung saan ko nakita.

Sumandal siya sa balikat ng kaibigan niyang babae. Mabanayad nitong tinatapik ang braso niya. Inangat niya ang ulo nang maramdaman ang presensiya ko. Nagsalubong kami ng tingin. Walang bahid ng galit sa mukha niya subalit puno ng sakit. Kumislot ako. Sumikip ang dibdib ko dahil sa guilt.

"Althea, I'm... "babasagin ang boses ko nang sinubukan kong hugutin ang mga salita. "I'm sorry... I didn't see him. Hindi ko sinasadya."

Kinagat niya ang ibabang labi. Inirapan niya lamang ako. Kumikinang ang mga mata niya at may nagbabadyang mga luha, ngunit bago siya makatugon