CHAPTER 3
Helliry POINT OF VIEW “Hintayin mo nalang ang tawag namin.” Napatango nalang ako at pinigilan ang pagbuntong hininga bago umalis sa harapan ng boss na papasukan ko sanang trabaho. Wala namang pinagbago dahil nakailang restaurant, cafe, grocery store at iba pa ay walang ibang sinabi sa akin kung hindi ang maghintay ng tawag nila. Pero iyong mga nakaraang araw pa na sinabi sa akin iyon ay hanggang ngayon wala pa rin. Napasipa sipa nalang ako sa mga bato na nadadaanan ko dahil hindi ko na alam kung saan ako pupulutin ngayon. Hindi pala talaga kagaya sa probinsiya na sila pa aalok sa 'yo na magtrabaho ka sa kanila. Mapili talaga ang karamihan dito at gusto nila iyong nakapagtapos na sa kolehiyo. Hindi ko naman kasi masabing simple lang lahat ng nandito dahil kahit 'yong restaurant ay subrang laki. Maraming foreigners sa daan. Mga kotse na kaliwa't kanan ang dumadaan at maraming tao araw araw. Halos mag-iisang linggo na ako rito pero wala pa rin akong trabaho. “A-Ate palimos po. Nagugutom po kami.” Nakatingin ako sa kumalabit sa aking bata na may dala dala ring mas maliit pa sa kaniya. Isa pa itong iniisip ko kapag nandito ako, may mga pulubing kahit saan saan ko nakikita. Kung sagana pala ang lugar na ito ay bakit may namamalimos? Imbis na bigyan ko ng pera ay bumili nalang ako ng pagkain at iyon ang binigay ko sa kanila. Baka kapag pera ang ibinigay ko ay manakaw pa. Sabagay ay iba nga ang siyodad sa probinsiya. Sa probinsiya ay pupunta ka lang sa bakuran ng bahay may ulam ka na. O 'di kaya makihingi lang sa kapitbahay para mamitas ng gulay ay puwede na. Umuwi nanaman akong lanta at walang ibang napala kung hindi ang maghintay sa text o tawag nila. Sa sofa ko nalang isinalampak ang katawan ko at napapikit. “Kamuata iha? Kamusta ang pamumuhay sa siyodad?” Napabuga ako ng hangin. “Hindi ko po maintindihan.” Dahil subrang gulo, may mararamdaman kang kapayapaan pero magulo. “'Wag kang panghihinaan ng loob, malay mo bukas o sa makalawa ay may mahanap ka ng trabaho.” “Mag janitor nalang po kaya ako?” Nagulat si Ante Dina na siyang may ari nitong apartment. “Marami po kasing naghahanap ng Janitor sa malaking kumpanya eh.” Paano kaya kung 'yon nalang. “Marangal ang trabahong Janitor iha. Pero babae ka at hindi mo maiiwasan na ibaba ka ng ibang tao dahil sa trabaho mo.” — KINABUKASAN nga ay inagahan ko ulit ang pagpunta ko sa paghahanap ng trabaho. Nagsuot na ako ng mas pormal na damit na kulay puti. Long sleeve ito na pulo pinaresan ko lang ng high waisted na pantalon. “Magbaon ka ng extra mong damit iha. Para may pang bihis ka kapag pinagpawisan.” Napangiti naman ako kay ante Dina dahil parang itinuturing niya na akong anak. Natutuwa ako dahil parang nararamdaman ko ulit ang pagkasabik kong maalagaan ng pamilya ko. Alam kong nasa tamang edad na ako pero kasi iba ang iniwan sa naiwan. Umalis na ako matapos kong madala lahat ng kakailanganin ko. “God, bigyan niyo po ako ng sign.” Paghiling ko habang nakasilip sa bintana ng bus. Napataas ang kilay ko ng makita ang billboard. 'Panahon na para maghanap ng Asawa, siguradong yayaman ka.' Napalunok ako ng paulit ulit ang umiling. “H-Hindi, hindi puwede 'to marami pa akong pangarap sa buhay.” Napasimangot ako dahil humiling ako ng sign at iyon ang binigay sa akin. Kailangan ko ba talagang mag-asawa para yumaman? “Sinong kausap ineng?” Nakatingin ako sa katabi kong ale at napatawa. “A-Ah eh. Ito pong bag ko. Nagpapractice po kasi ako sa audition.” Napangiwi ako ng mukhang napaniwala ko siya. Pagkababa ko ay muli ko nanamang hinaharap ang maraming tao na pabalik balik. Napatingin ako sa bandang gilid ng makita ko ang pamilyar na postura. Napatakbo ako rito dahil napaka-pamikyar niya. “Da-Dad.” Nanginginig na sabi ko habang pilit siyang hinahanap. Hindi ako sigurado sa nakita ko pero alam kong siya 'yon. “D-Dad nandito ka nga.” Napatakbo ako sa tuwa ng makita ko siya na may hinihintay yata. Ngunit iyon nalang ang gulat ko ng may tumakbong maliit na batang babae papunta sa kaniya. Napatigil ako sa pagtakbo ng makitang masaya niya itong sinalubong at binuhat. Sumunod ang babaeng hindi ko kakilala na yumakap sa kaniya. Tuluyang napatulo ang luha kong kanina ay kasiyahan ang dahilan. Ngayon ay nababalot ako ng sakit at lungkot habang pinagmamasdan ang ama ko na masaya na sa ibang pamilya. Wala akong ibang nagawa kung hindi ang umiyak habang nakatingin sa kanila na masaya at naglalakad paalis habang bitbit ang batang babae. Kahit maraming tao sa paligid ay hindi ko ito pinansin dahil mas nangingibabaw ang sama ng loob na bumabalot sa loob ko. Bakit? Gano'n na ba ako kadaling iwanan? Kaya niyong iwanan ang sarili niyong anak para sa panibagong pamilya? “Hindi mo kailangang tumitig sa isang bagay na nagpapaluha sa 'yo.” Napatigil ako sa pag-iyak nang may humarang sa harapan ko at pahirin ang luha ko. Napatitig ako rito dahil sa lalaking maamo ang mukha, malalim man ang boses ngunit mahinahon ito. “I wonder, kung bakit ang mga tao hindi matigil sa pagtingin sa bagay na alam naman nilang masasaktan sila. Gusto mo bang kumain ng halo-halo. Balita ko masarap ang halo-halo nila sa banda riyan.” Napatulala ako sa kaniya. Hindi ako makapaniwala na may tao palang ganito. 'Yong tipong umiiyak ka pero kahit hindi ka kakilala ay tutulungan ka. Hindi niya na ako hinintay pang sumagot at hinila niya na ako. Pumunta nga kami sa isang restaurant na mamahalin. Sinubukan ko ngang pumasok dito pero hindi ako tinanggap. Napayuko ako ng makakita ako ng pamilyang kumakain sa isang mesa. Naalala ko nanaman ang nakita ko kanina. Alam kong ang ama ko iyon at hindi ako magkakamali. Walang nagsalita sa amin hanggang sa matapos kaming kumain. Kahit siya ay hindi na nagtanong. Ngunit bilang pasasalamat ay sasabihin ko sa kaniya ang dahilan. “2 years ago iniwan ako ng mga magulang ko.” Paninimula ko habang nakayuko. Ramdam ko na napatingin siya sa akin. “A-At ang nakita ko kanina, ay ang a-ama ko. Kasama ang i-ibang—” Hindi ko na natuloy ang sasabihin ko dahil sa tuluyang pagtulo ng luha ko. “Tama na. Hindi mo naman kailangang sabihin.” Napatawa ako habang pinapahid ang luha ko. Napakaiyakin ko naman. “Pasensiya ka na iyakin ako. Pero sinusubukan ko ng hindi inalabas ang iyak ko dahil nakakapagod.” Tumingin ako sa kaniya at ngumiti. “Salamat pala sa pagtulong mo sa akin. Magkano nga pala ito?” Umiling siya sa akin. “Hindi na kailangan. 'Di ako naniningil, tara sa labas.” Naging magaan ang pakiramdam ko sa pakikipag-usap sa kaniya. Hindi niya na muling nabanggit pa ang tungkol sa nangyari kanina. Nahihiya na nga ako dahil hanggang hapon ay sinamahan niya ako sa paglalakad. Kaya naisipan ko nang umuwi at magpaalam sa kaniya. “Siya nga pala maraming salamat ha? Pasensiya ka na naabala pa yata kita.” Hinampas niya ako sa balikat na akala mo ay matagal na kaming magkakilala. “Wala 'yon. Balak ko talagang naglakad lakad. Anyway. . . ” Lumapit siya sa akin at inabot ang kamay sa akin. “My name's Stellan. Maybe magkikita pa tayo sa mga susunod na araw.” Napangiti ako at inabot ang kamay ko. “Ako si Helliry, may tanong ako.” “Hm? Ano 'yon?” “Ilan ba ang araw? Bakit sinabi mong sa susunod na araw?” Bigla siyang napatigil at gulat na tumingin sa akin. Napatawa ako at agad binawi. May masama ba sa tanong ko? “A-Ah 'wag mo nalang pala isipin. Sige natutuwa akong makilala ka. Kailangan ko ng umalis. Maraming salamat.” Pagkaalis ko ay muli nanaman akong nabalutan ng katahimikan at pag-iisa. “Unti-unti ko nang naiintindihan.” — SPECIAL SCENARIO (Helliry's update bakit wala pang trabaho) “Kinakabahan ako baka hindi ako matanggap sa trabaho. Ikaw? Hindi ka ba kinakabahan?” Napatingin ako sa katabi ko na nakaupo ay nakapila. Nagpipila kami sa labas ng office para sa interview rito sa trabaho na papasukan ko. “Hindi naman. Iisipin ko nalang na kaya ko ito.” Napatingin siya sa akin na parang namamangha. “Next!” Sigaw ng nasa loob mula sa office. “A-Ah! Puwedeng siya muna? Natatæ po ako!” Nagulat ako dahil tinuro ako ng katabi ko kanina na siya na sana ang next. “H-Hoy biro lang. Kinakabahan talaga ako.” Wala na akong ibang nagawa kung hindi ang pumasok sa loob. Napalunok ako ng ilang beses nang bumungad sa akin ang tatlong gurang na hurado. Wait lang? Trabaho ba talaga 'to o mag u-audition talaga ako? “Ilang taon ka na?” Napalunok ulit ako ng isang beses. “21 years nang nabubuhay sa mundo.” Sa totoo lang ay hindi ko rin alam kung anong klaseng trabaho ba talaga ang papasukin ko rito. Narinig ko lang kasi na para ito sa mag-aapply ng trabaho. Nakita ko na mahaba ang pila kaya nakipila na rin ako. Gulong gulo silang tumingin sa papel na binigay ko sa kanila. May mali ba sa papel ko? — “Ano? Madali ba ang tanong?” Bungad sa akin ng katabi ko kanina pagkalabas ko palang. Nag easy hand sign ako sa kaniya. “Basic, kapag tinanong ka nila ng 2+2 sagutin mo 1, only you. Trust me.” Pagkatapos no'n ay umalis na ako roon. Akala ko pa naman ay trabaho, ibang pila pala napuntahan ko. Para pala sa magpapagawa ng ID. Hindi ko naman alam.CHAPTER 4—Pagsisimula ng lahat.Helliry Point of View —“'Wag mo nga akong hawakan! Lumayo ka sa akin. Dahil kahit anong nangyayari hindi tayo magkakabalik.”“Mommy! Daddy! Tumigil na kayo!”“Isa ka pang bata ka! Nang dahil sa 'yo sa murang edad ko nabuntis ako!”ISANG malakas na alarm clock ang nagpamulat sa akin mula sa pagkakabangungot. Napaupo ako saka napayakap sa tuhod. Hindi nabanggit sa akin ng mga magulang ko ang dahilan ng pag-aaway nila. Basta isang araw ay bigla nalang silang nagkalabuan. Napatayo ako at nag-unat ng sarili.“Bakit ko ba iniisip ang panaginip lang. Hahanap nanaman ako ng trabaho.”Napatakbo ako ng mabilis sa banyo ng makitang natanghalian ako nagising. Nakalimutan ko pang palitan ang alarm clock ko kaya pala.—“Siguraduhin mong tama ang mga contact number mong nilagay mo rito.” Tanong sa akin ng nag-iinterview para sa trabaho.“Opo. Sigurado po ako.”“Sige, tatawagan ka nalang namin kapag makakapasok ka na sa trabaho. Puwede ka ng umalis.” Matamlay ako
CHAPTER 5Helliry POINT OF VIEW—Hindi ko alam na may ganito palang sinasahod bilang isang maid dito sa Pilipinas. O baka sadyang 'di ko lang talaga alam na nage-exist sila kahit saan. Napatingin ako sa langit na makulimlim. Kanina ay maaraw lang.“Ngayon pa talaga, kailangan ko na kaagad umalis.” Kinuha ko ang cellphone ko sa sling bag at pinicturan ito. Nakalagay naman dito ang contact number at kahit email. Pati na rin ang address. Pagkatapos kong mapicturan ay tinakbo ko na ang daan pabalik sa park. Madali lang naman akong makaalala sa mga daanan kahit minsan ko palang nakita. Ang ginagawa ko kasi ay naghahanap ako ng puwede kong gawing palatandaan. Nasanay ako sa pagiging gano'n dahil kapag niyayaya ako ni Kiro gumala kahit saan ay siya pa ang naliligaw.Pagkarating ko sa park ay naghanap kaagad ako ng shed para may masilungan. Umaambon na rin kasi, maya maya ay uulan ito ng malakas, wala pa akong dalang payong.Muli kong tinignan ang pinicturan kong hiring. Malaki ang sahod k
CHAPTER 6Helliry POINT OF VIEW—ITO ang araw na nakapagdesisiyon na ako na roon na magtatrabaho. Wala na akong ibang pagpipilian dahil paubos na ang pera ko tapos ang hirap hirap pa mag hanap ng trabaho. Kung hihintayin ko pa ang tawag ng mga inapplyan kong trabaho ay baka abutin pa ako ng siyam-siyam. Mahirap na rin baka biglang bawiin ng Lolo 'yong offer niya. Mataas pa naman. Minsan lang ako makakita ng gano'ng kataas na sahod.Kasalukuyan na akong bumababa para magpa-alam kay ante Dina. Kakagising ko nga lang at kagabi ako nakapagdesisiyon.“Ante, aalis na po ako.” Hindi ko alam kung bakit biglang natawa si ante Dina.“Kahapon mo pa sinabi iyan iha.” Napakamot ako sa pisnge ko.“Kahapon pa po ba?” Umiling nalang ako at nagpaalam ulit bago pumunta sa kuwarto.“Ii-impake ko nanaman kayo.” Pag-kausap ko sa mga gamit ko na akala mo ay may buhay o sasagot.Habang nag-iimpake ako ay biglang nag ring ang cellphone ko. Si Lolo pala ang tumawag. Nasabi ko na rin sa kaniya ang naging des
CHAPTER 7Helliry POINT OF VIEW—“Ashray. What are you doing?” Napatigil ako mula sa pagkakatitig at para akong nabunutan ng tinik sa pagkawala ng tensiyon. Napatingin ako kay Lolo Henry dahil niligtas niya ang buhay ko.“I'm just welcoming her, Lolo.” Tinignan lang ni Lolo ang nagngangalang Ashray. Napaupo naman ako ng umalis na siya sa harapan ko. Kahit simpleng pagtingin niya lang ay para na akong matatakot. Pero Sino ba siya para katakutan ko.“Pasensiya ka na. Hindi na bago iyon lagi kasi siyang ganiyan kapag may bagong magta-trabaho rito. Lalo na sa mga babae, hindi ko alam kung bakit gano'n siya.” Tinignan ko ang nagngangalang Nicka na kasambahay rin dito. Halos makalimutan ko na rin na nandito siya.Lumingon ako ulit sa likod at buti nalang malayo na sila ni Lolo.“Ayos lang. Hindi naman ako magpapatalo roon, nagulat lang ako. Ashray pala ang pangalan niya?” Pagtatanong ko sa kaniya na tinabihan ako sa pag-upo.“Oo, ang buo niyang pangalan ay Demonic Ashray Silveria.” Napa 'O
PROLOGUEIsang malamig na hangin sa gabi ang dumampi sa balat ko habang nakatayo sa gilid ng bintana ng malaking bahay. Hindi ko inaakala na tatagal ako ng ganito sa mansion na ito, na kahit mali ang pagtrato sa akin ni Ashray ay okay lang. Ano bang magagawa ko kung tuluyan na akong nalamon ng nararamdaman ko sa kaniya.“Iha, hindi ka pa ba babalik sa kuwarto mo? Gabing gabi na.” Tumingin ako kay manang na matagal na rin dito nagtatrabaho.“Hindi pa po. May hinihintay po kasi ako eh.” Ngumiti ako sa kaniya at muling tumingin sa labas upang pagmasdan ang buwan. “Sigurado ka ba iha sa gagawin mo? Nag-aalala lang ako sa 'yo kasi alam mo naman noong malaman niyang may gusto ka sa kaniya, mas gumaspang ang ugali niya.” Napabuntong hininga ako sa sinabi niya at pekeng napatawa. Handa na akong harapin kung ano ang sasabihin niya at mananatili pa rin akong umaasa na magugustuhan niya rin ako kahit alam kong malabo. Sa pag-sabi pa nga lang sa kaniya na nagugustuhan ko siya ay lumala lang ang
CHAPTER 1Helliry POINT OF VIEW“Tabi! Tabi! Manang ito na po 'yong mga gulay!”“Kalahating kilong carrots nga mare.”“Ang dami mong bibilhin ngayon ah.”“Oo mare, birthday kasi ng anak kong bunso. Pabili na rin ako ng repolyo.”Maaga palang at marami na ang tao rito sa palengke. Magkabilaan ang ingay at pag-uuna sa pagbili ng mga fresh na gulay. Maaga nga rin akong pumasok sa trabaho ko upang magtinda ng mga gulay dahil Biyernes ngayon at siguradong marami ang tao.Hindi nga ako nagkakamali dahil kanina pa ako palipat lipat sa bumibili at pagkikilo. Hindi ko naman mapigilang matuwa dahil siguradong mataas ang sahod ko ngayon.“Helliry! Kamusta ang araw?” Napangiti ako kay Kiro na papunta rito, kaibigan ko at madalas kong kasama sa pagtitinda ng kakanin.“Mukha ba akong araw, Kiro? Tanungin mo kaya siya,” sagot ko dahil totoo naman 'di ba? Hindi naman ako araw, puntahan niya nalang tutal siya naman may tanong. Nawala ang ngiti niya at napakamot sa ulo. “Ibig kong sabihin kamusta ang
CHAPTER 2Helliry POINT OF VIEW“5 thousands sa isang buwan dito Ineng, kaya ba?” Napangiwi ako at napahawak sa batok.“Pag-iisipan ko nalang po. Babalik po ako maya-maya.” Umalis na kaagad ako roon. Sampong libo lang ang natira kong pera at ipagkakasiya ko 'yon sa isang buwan hanggang sa makahanap ako ng trabaho. Kanina pa ako lumilibot dito para maghanap ng apartment pero mahal lahat. Kung hindi 4 thousands ay umaabot ng 6. Parang hindi kakayanin ng pera ko. Hindi naman ako namomroblema pagdating sa sabon at gamit ko sa paglinis sa katawan dahil nagdala ako. Ang iisipin ko ay pang tatlong araw ko lang na bigas at uulamin ang dala ko. Kung wala akong makikitang mura na apartment at maayos na trabaho hanggang sa susunod na linggo ay siguradong mangangayayat ako.“Ang hirap naman pala maghanap ng apartment. Akala ko ay trabaho lang mahirap hanapin.” Habang naghahanap nga ako ng apartment ay nagtatanong na rin ako ng available na trabaho. Karamihan nga lang na sagot nila ay kasambahay.