Chapter 71

"HI, babe!"

Nabitiwan ni Gian ang hawak na ballpen at pasimpleng nahilot niya ang sentido. Ang dami na niyang problema dumagdag pa si Zabrina. Ilang araw nang kinukulit siya nito na may pupuntahan daw sila, hindi naman siya maka-oo dahil tambak ang dokumentong babasahin niya. Isa pa'y ayaw na niya itong makita, napilitan lang siyang samahan ito nang nakaraang araw dahil nagbabaka-sakali siyang may mahanap na impormasyon.

"What are you doing here, Zabrina?" may diing tanong niya rito.

"I just missed you. Are you busy?" nonsense nitong tanong.

"Can't you see, I have a lot of works now!" Itinuro pa niya ang sangkatutak na papel.

Balewala itong umupo sa bangkong nasa unahan ng mesa niya. "I'm sorry, babe. Miss lang talaga kita."

Kamuntikan nang masuntok niya ang mesa sa sobrang inis sa babaing kaharap. Saan kaya ito kumukuha ng lakas para makaharap sa kanya?

"I'll just wait na lang here," muling saad nito na nagpakulo muli ng dugo niya. Hindi na lang niya ito pinansin, muling dinampot an