Eros & Dianne 67

Dianne's POV

HINDI ko maimulat ang mga mata ko habang nakahiga sa sahig ng kuwarto ni Matthias. Agad siyang lumabas matapos akong paulit-ulit na suntukin sa mukha.

Nananakit ang buong katawan ko—lalo na ang aking mukha. Ni hindi ko na maramdaman ang magkabila kong pisngi. Kahit ang imulat ang mga mata ay nahihirapan akong gawin.

Sinubukan kong igalaw ang mga daliri ko sa kamay, pero hirap na hirap na rin ako. Parang naparalismo ang katawan ko dahil sa pagkakabugbog sa akin.

Ang pagkahulog at pagkabasag ng mga plato sa sahig at maging ang matinis na sigaw ni Linda ang huli kong narinig bago ako tuluyang nawalan ng malay.

***

Narinig ko ang pagbukas at muling pagsara ng pinto. Unti-unti kong iminulat ang mga mata ko. Hindi ko maipaliwanag kung bakit parang namamanhid o nananakit ang buong mukha ko, basta ang alam ko lang, ilang araw akong nawalan ng malay.

"Ma'am Dianne! Salamat naman sa Diyos at gising ka na, ma'am!" Mabilis akong nilapitan ni Linda kaya marahan akong napatingin sa kan