Eros & Dianne 70

Dianne's POV

"Titigil ka ba o pasasabugin ko ang ulo nito!" Kinasa ni Matthias ang baril na hawak niya.

Mabilis na tumigil sa pakikipagsuntukan si Eros. Agad itong napatingin sa akin.

Marahan akong umiling. "Eros, umalis ka na... "

"Umalis?" Malakas na tumawa si Matthias. "Remember what I told you? Papatayin ko ang lalaking iyan oras na iniputan mo ako sa ulo!"

"No! Matthias, please, don't!"

Mula sa akin ay galit itong humarap kay Eros. "Subukan mong lumaban, papatayin ko ang babaeng ito."

"Hayop ka! Huwag mo idamay si Dianne dito!"

"Idamay? Siya ang gumawa ng gulong ito—sa kaniya nag-umpisa! Kung ano man ang mangyari sa iyo, kasalanan niya iyon! Bugbugin n'yo iyan!"

"Huwag!" halos maubusan ako ng boses sa malakas na pagsigaw.

Limang lalaki ang nagtulong-tulong para bugbugin si Eros. Hindi nila ito tinigilan kahit duguan na itong bumagsak sa sahig at hindi na gumagalaw.

"Please! Pigilan mo sila!" Humarap ako kay Matthias at nagmakaawa. Lumuhod ako sa paanan niya, kulang na lang ay hal