Eros & Dianne 74

Dianne's POV

NAPANSIN kong nawalan ng kulay ang mukha ni Eros matapos ng mga sinabi ko. Bigla siyang bumagsak sa daan.

"Eros!"

Napaluhod ako sa semento sa tabi niya at niyakap siya nang mahigpit. Hindi ko napigilan ang muling pag-agos ng mga luha sa pisngi ko.

Kung hindi dahil sa kagustuhang mabigyang hustisya ang aking anak, mas gugustuhin kong magpakalayo na lang at kalimutan ang lahat.

Pero nang umalis ako sa bansa dalawang taon na ang nakararaan, nakatanggap ako ng envelope na may lamang sulat, audio tape at mga litrato. Kuha ang mga litratong iyon sa isang tagong lugar kung saan makikitang nag-uusap sina Mariedel at Matthias. Huli rin sa picture ang pag-abot ni Matthias nang makapal na envelope kay Mariedel.

Nakalahad naman sa sulat ang dahilan ng pagkikita nila—ang pag-utos nito na akitin si Eros para maging kabit nito. Sa audio tape ay may maririnig na dalawang boses na nag-uusap. Sina Mariedel at Matthias. Narinig ko ang lahat—kung paano inutusan ni Matthias si Mariedel na gum