Epilogue

Dianne's POV

"Kakanin! Kakanin! Kakanin kayo dyan!"

Nakangiti akong naglalakad sa gilid ng daan habang hawak ang bilao sa ulo ko at sa kabilang kamay ko naman, hawak ko ang munting kamay ng aking tatlong taong gulang na prinsesa.

"Kakanin! Kakanin kayo dyan," panggagaya niya sa akin saka humagikhik.

Tumigil kami sa lilim ng puno ng bayabas saka ko maingat na nilapag ang bilao na puno ng mga ginawa kong kakanin. Nakangiti akong humarap kay Roseberry.

"Ikaw na bulinggit ka! Napakakulit mo." Malakas siyang tumawa nang kilitiin ko siya sa gilid.

"Nanay, isa pa po."

"Isa pa?"

Tumango siya matapos ilahad ang maliit niyang palad sa harap ko. Nakangiti kong pinisil ang magkabila niyang pisngi para panggigilan.

"Nako! Ang prinsesa ko, ang takaw-takaw!"

Kumuha ako ng isang puto bumbong sa bilao at binigay ito sa kaniya. Nakangiti niya itong kinain.

Tiningnan ko ang bilao ko, may malaking bibingka sa gitna, napalilibutan ito ng iba't ibang delicacies na ako mismo ang gumawa. Halos hind